பூட்டிய வீட்டில் 5 பவுன் நகைத் திருட்டு

மதுரை மாவட்டம் பாலமேடு அருகே பூட்டிய வீட்டில் 5 பவுன் நகையை அடையாளம் தெரியாத நபர்கள் திருடிச்சென்றதாக புதன்கிழமை வழக்குப்பதிவு செய்யப்பட்டுள்ளது.
மதுரை மாவட்டம் பாலமேடு அருகே உள்ள மறவர்பட்டியைச் சேர்ந்த கருத்தப்பாண்டி மனைவி ருக்மணி(55). இவர் மஞ்சமலையாண்டி கோயில் திருவிழாவையொட்டி குடும்பத்துடன் ஜூன் 3-ஆம் தேதி சென்றுவிட்டார். அங்கிருந்து செவ்வாய்க்கிழமை இரவு வீடு திரும்பியுள்ளனர். அப்போது வீட்டின் பூட்டு உடைக்கப்பட்டிருந்தது. 
இதையடுத்து உள்ளே சென்று பார்த்தபோது வீட்டின் பீரோவில் வைத்திருந்த 5 பவுன் நகைகளை அடையாளம் தெரியாத நபர்கள் திருடிச்சென்றது தெரிய வந்தது. சம்பவம் தொடர்பாக ருக்மணி  அளித்தப்புகாரின்பேரில் பாலமேடு போலீஸார் வழக்குப்பதிவு செய்து விசாரித்து வருகின்றனர்.