மத்தியச் சிறையில் போலீஸாா் சோதனை

மதுரை மத்திய சிறையில் போலீஸாா் சனிக்கிழமை சோதனையில் ஈடுபட்டனா்.

மதுரை மத்திய சிறையில் தண்டனை, விசாரணை சிறைவாசிகள் என 2,500-க்கும் மேற்பட்டோா் உள்ளனா். இதேபோல, பெண்கள் சிறையிலும் 500-க்கும் மேற்பட்டோா் உள்ளனா்.

இந்த நிலையில், மதுரை மாநகரக் காவல் ஆணையா் ராஜேந்திரன் உத்தரவின் பேரில், 100-க்கும் மேற்பட்ட போலீஸாா் சிறை வளாகத்துக்குள் சென்று விசாரணைக் கைதிகள் கைப்பேசி, கஞ்சா, புகையிலைப் பொருள்கள் உள்ளிட்ட அரசால் தடை செய்யப்பட்ட பொருள்களைப் பயன்படுத்துகிறாா்களா? என்பது குறித்து சோதனை நடத்தினா்.

சுமாா் 3 மணி நேரத்துக்கும் மேல் நடைபெற்ற இந்தச் சோதனையில் தடை செய்யப்பட்ட பொருள்கள் எதுவும் கண்டுபிடிக்கப்படவில்லை என போலீஸாா் தெரிவித்தனா்.