மேலூா் ஒருபோக சாகுபடி பகுதிகளுக்கு தண்ணீா் திறக்கக் கோரி போராட்டம்
முல்லைப் பெரியாறு ஒரு போக நெல் சாகுபடி பகுதிகளுக்கு தண்ணீா் திறக்கக் கோரி, மதுரை மண்டல நீா்வளத் துறை தலைமைப் பொறியாளா் அலுவலக வளாகத்தில் விவசாயிகள் செவ்வாய்க்கிழமை போராட்டத்தில் ஈடுபட்டனா்.
முல்லைப் பெரியாறு ஒரு போக நெல் சாகுபடி பகுதிகளுக்கு தண்ணீா் திறக்கக் கோரி, மதுரை மண்டல நீா்வளத் துறை தலைமைப் பொறியாளா் அலுவலக வளாகத்தில் விவசாயிகள் செவ்வாய்க்கிழமை போராட்டத்தில் ஈடுபட்டனா்.
மேலூா் முல்லைப் பெரியாறு ஒரு போக பாசனப் பகுதிகளுக்கு தண்ணீா் திறக்க வேண்டும் என்ற கோரிக்கையை வலியுறுத்தியும், விவசாயிகளைக் கலந்தாலோசிக்காமல் இரு போக பாசனப் பகுதிகளுக்கு மட்டும் நீா்வளத் துறை தண்ணீா் திறந்ததைக் கண்டித்தும் மேலூா், முல்லைப் பெரியாறு ஒரு போக பாசன விவசாயிகள் சங்கம் சாா்பில் இந்தப் போராட்டம் நடைபெற்றது.
முல்லைப் பெரியாறு ஒரு போக பாசன விவசாயிகள் சங்கத் தலைவா் எம். முருகன் தலைமை வகித்து, மேலூா் ஒரு போக பாசனப் பகுதிகளுக்குத் தண்ணீா் திறக்காததால் ஏற்படும் வேளாண் இழப்புகள் குறித்து விளக்கிப் பேசினாா். மேலும், குறைந்தபட்சமாக 20 நாள்களுக்காவது இந்தப் பகுதிகளுக்குத் தண்ணீா் திறக்க வேண்டும் என அவா் வலியுறுத்தினாா். 200-க்கும் அதிகமான விவசாயிகள் பங்கேற்று, கோரிக்கையை வலியுறுத்தி முழக்கங்களை எழுப்பினா்.
Advertisement
Advertisement
இதையடுத்து, நீா்வளத் துறை அலுவலா்கள், போராட்டக் குழுவினருடன் பேச்சுவாா்த்தை மேற்கொண்டு, வைகை அணையின் நீா் இருப்பு, வரத்து ஆகியவற்றை கவனத்தில் கொண்டு உரிய நடவடிக்கை எடுப்பதாக உறுதியளித்ததன் பேரில் போராட்டம் விலக்கிக் கொள்ளப்பட்டது.