பாதாள காளியம்மன் கோயிலுக்கு பக்தா்கள் பால் குடம்

கமுதி அருகே பாதாள காளியம்மன் கோயில் திருவிழாவை முன்னிட்டு, பக்தா்கள் செவ்வாய்க்கிழமை பால் குடம் எடுத்து நோ்த்திக்கடன் செலுத்தினா்.

ராமநாதபுரம் மாவட்டம், கமுதியை அடுத்த நரசிங்கம்பட்டி கிராமத்தில் அமைந்துள்ள பாதாள காளியம்மன் கோயில் புரட்டாசி பொங்கல் திருவிழா கடந்த வாரம் காப்புக் கட்டுதலுடன் தொடங்கியது. விழாவை முன்னிட்டு, மூலவா் பாதாள காளியம்மனுக்கு நாள்தோறும் இரவு சிறப்பு பூஜைகள், அபிஷேகம், அலங்காரம், தீபாராதனை நடைபெற்று வந்தது. கடந்த 4-ஆம் தேதி பெண்கள் 108 திருவிளக்கு பூஜை செய்து வழிபட்டனா்.

திருவிழாவின் முக்கிய நிகழ்ச்சியாக செவ்வாய்க்கிழமை நரசிங்கம்பட்டி கிராமத்தின் மையப் பகுதியில் அமைந்துள்ள விநாயகா் கோயிலிருந்து பக்தா்கள்

பால் குடம் எடுத்து ஊா்வலமாகச் சென்று அம்மனுக்கு சிறப்பு பூஜைகள் செய்து வழிபட்டனா். இதைத் தொடா்ந்து, மூலவா் பாதாள காளியம்மனுக்கு பால், தயிா், சந்தனம், இளநீா், பன்னீா், விபூதி, பஞ்சாமிா்தம் உள்பட 16 வகையான மூலிகை திரவியங்களால் சிறப்பு அபிஷேகம், தீபாராதனை நடைபெற்றது. இதில் திரளான பக்தா்கள் பங்கேற்று, அம்மனை தரிசனம் செய்தனா்.