கமுதி அருகே இளைஞா் கொலை: 3 போ் கைது

கமுதி அருகே செவ்வாய்க்கிழமை முன்விரோதம் காரணமாக இளைஞரைக் கத்தியால் குத்திக் கொலை செய்த 3 போரை போலீஸாா் கைது செய்தனா்.

ராமநாதபுரம் மாவட்டம், கமுதியை அடுத்த மண்டலமாணிக்கம் கிராமத்தைச் சோ்ந்த வேல் மகன் சக்திவேல்பாண்டியன் (26). சென்னையில் காா் ஓட்டுநராக பணிபுரியும் இவருக்கும், அதே ஊரைச் சோ்ந்த முருகன் மகன் சிவக்குமாருக்கும் (25) முன்விரோதம் இருந்து வந்தது.

இந்த நிலையில், ஒரு வழக்கு விசாரணைக்காக சக்திவேல்பாண்டியன் திங்கள்கிழமை சொந்த ஊருக்கு வந்தாா். இதையறிந்த சிவக்குமாா் தரப்பினா் செவ்வாய்க்கிழமை காலை மண்டலமாணிக்கம் கடைவீதியில் அமா்ந்திருந்த சக்திவேல்பாண்டியனின் தந்தை வேலுவிடம் தகராறில் ஈடுபட்டனா். அப்போது, அங்கு வந்த சக்திவேல் பாண்டியனும், சிவக்குமாா் தரப்பினருக்கு வாக்குவாதம் ஏற்பட்டது. இதனால், ஆத்திரமடைந்த சிவக்குமாா் தான் மறைத்து வைத்திருந்த கத்தியால் சக்திவேல்பாண்டியனை குத்தினாா். இதில் பலத்த காயமடைந்த அவா் கமுதி அரசு மருத்துவமனைக்கு கொண்டு செல்லும் வழியில் உயிரிழந்தாா்.

இதுகுறித்து மண்டலமாணிக்கம் போலீஸாா் வழக்குப் பதிவு செய்து, சிவக்குமாா், இவரது சகோதரா் சண்முகவேலு, தந்தை முருகன் ஆகிய 3 பேரையும் கைது செய்தனா்.