அனுமதிக்கப்பட்ட இடங்களில் மட்டுமே விநாயகர் சிலைகளை கரைக்க வேண்டும்: சிவகங்கை ஆட்சியர்

விநாயகர் சிலைகளை அனுமதிக்கப்பட்ட இடங்களில் மட்டுமே கரைக்க வேண்டும் என சிவகங்கை மாவட்ட ஆட்சியர் ஜெ.ஜெயகாந்தன் தெரிவித்துள்ளார்.     
இதுகுறித்து அவர் புதன்கிழமை வெளியிட்டுள்ள செய்திக் குறிப்பு:   விநாயகர் சதுர்த்தி விழாவை சிவகங்கை மாவட்டத்தைச் சேர்ந்த அனைவரும் சுற்றுச்சூழலுக்கு மாசில்லாமல் கொண்டாட வேண்டும். 
விநாயகர் சிலை ஊர்வலத்தை மாலை 6 மணிக்கு மேல் மேற்கொள்ளக் கூடாது. சிலைகளை நீர்நிலைகளில் கரைக்கும் முன்னர் அவற்றில் உள்ள பூக்கள், மாலைகள், இலைகள், துணிகள் மற்றும் பிற ஆபரணங்கள் நீக்கப்பட வேண்டும். 
சிவகங்கை மாவட்டத்தில் அனுமதிக்கப்பட்ட இடங்களில் மட்டுமே விநாயகர் சிலைகளை  கரைக்க வேண்டும் என அந்த செய்திக் குறிப்பில் தெரிவிக்கப்பட்டுள்ளது.   
சிலைகளை கரைப்பதற்கு அறிவிக்கப்பட்டுள்ள இடங்கள்: 
சிவகங்கை இந்திரா நகரில் உள்ள கீழவாணியங்குடி ஊருணி, காளையார்கோவிலில் உள்ள தெப்பக்குளம்(கீழ்புறம்), மானாமதுரையில்  அலங்காரக்குளம், தேவகோட்டையில் கருத்தூரணி, திருப்பத்தூரில் உள்ள சங்கீயாண்டி கோவில் ஊருணி, கல்லலில் உள்ள தெப்பக்குளம், காரைக்குடியில் உள்ள கீழ்ஊருணி, சோளாங்குளம் ஊருணி, ஸ்ரீ வீரசேகர உமையாம்பிகை கோயில் எதிர்புறம் (சாக்கோட்டை), சிங்கம்புணரியில் சேவுகர் மூர்த்தி கோயில் தெப்பம், நாகமங்கலத்தில் உள்ள வெள்ளைப்பள்ளம் ஊருணி (சிங்கம்புணரி) உள்ளிட்ட இடங்களில் சிலைகளை கரைக்க  வேண்டும்.