குடிசைமாற்று வாரிய குடியிருப்பில் தீ விபத்து

சிவகங்கையில் உள்ள குடிசை மாற்று வாரிய குடியிருப்பில் மின் கசிவால் ஞாயிற்றுக்கிழமை ஏற்பட்ட தீ விபத்தில் பொருள்கள் எரிந்து சேதமடைந்தன.

சிவகங்கை ஆயுதப்படை குடியிருப்பு அருகே குடிசை மாற்று வாரியத்தின் சாா்பில் அடுக்குமாடி குடியிருப்பு கட்டப்பட்டுள்ளது. இந்தக் குடியிருப்பில் ‘எச்’ பிளாக் பகுதியில் உள்ள குடியிருப்பில் வாடகைக்கு வசித்து வருபவா் ராமகிருஷ்ணன். இவா் தனியாா் சமையல் எரிவாயு உருளை விநியோக நிறுவனத்தில் வாகன ஓட்டுநராக பணிபுரிந்து வருகிறாா்.

இவா் விடுமுறையை கழிப்பதற்காக வீட்டைப் பூட்டிவிட்டு தனது சொந்த ஊருக்கு சனிக்கிழமை சென்றாா். இந்த நிலையில் ஞாயிற்றுக்கிழமை பிற்பகலில் இவரது வீட்டில் தீப்பற்றி எரிவதை அக்கம்பக்கத்தினா் பாா்த்து உடனடியாக தீயணைப்பு நிலையத்துக்கு தகவல் தெரிவித்தனா். இதையடுத்து அங்கு விரைந்து வந்த தீயணைப்பு வீரா்கள் தீயை அணைத்தனா். அதற்குள் வீடு முழுவதும் எரிந்து சேதமடைந்தது.

இதனிடையே ராமகிருஷ்ணன் வந்து பாா்த்த போது வீட்டில் வைத்திருந்த ரூ. 3 லட்சம் மதிப்பிலான பொருள்களும், கல்விச் சான்றிதழ்கள், ஆவணங்கள் அனைத்தும் சேதமடைந்திருந்தது தெரியவந்தது. மின் கசிவின் காரணமாகவே தீ விபத்து ஏற்பட்டிருக்கலாம் எனக் கூறப்படுகிறது. இதுகுறித்து நகா் காவல் நிலைய போலீஸாா் விசாரிக்கின்றனா்.