தேனி அருகே பைக் மீது ஜீப் மோதி முதியவர் சாவு

தேனி அருகே இருசக்கர வாகனத்தில் பேரன்களுடன் தோட்டத்திற்குச் சென்ற முதியவர்,  ஜீப் மோதியதில் வியாழக்கிழமை உயிரிழந்தார்.
அரண்மனைப்புதூரைச் சேர்ந்தவர் முத்துப்பாண்டி(70). இவர், தனது பேரன்கள் தங்கேஷ்வரன் (14), ஆகாஷ்வரன்(9) ஆகியோருடன் அரண்மனைப்புதூரில் இருந்து இருசக்கர வாகனத்தில் கொடுவிலார்பட்டியில் உள்ள தனது தோட்டத்திற்குச் சென்றுள்ளார். 
அப்போது, எதிரே திசையில் வருசநாட்டில் இருந்து தேனி நோக்கி வந்த ஜீப், இருசக்கர வாகனம் மீது மோதியது. இதில், இருசக்கர வாகனத்தில் சென்ற முத்துப்பாண்டி உடல் நசுங்கி சம்பவ இடத்திலேயே உயிரிழந்தார். தங்கேஷ்வரன், ஆகாஷ்வரன் ஆகியோர் பலத்த காயமடைந்து, தேனி அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளனர். 
இந்த விபத்து குறித்து அரண்மனைப்புதூர் காவல் நிலைய போலீஸார் வழக்குப்பதிந்து ஜீப் ஓட்டுநர் கேரளா, பூம்பாறையைச் சேர்ந்த கலைச்செல்வம்(27) என்பவரை கைது செய்து விசாரிக்கின்றனர்.