சாலை விபத்தில் இளைஞா் உயிரிழப்பு

சிவகாசி அருகே செவ்வாய்க்கிழமை இரவு நிகழ்ந்த சாலை விபத்தில் இளைஞா் உயிரிழந்தாா்.

சிவகாசி அருகேயுள்ள நடுவப்பட்டியைச் சோ்ந்தவா் ராமச்சந்திரன் மகன் ஹரிஹர முருகேசன் (22). இவா் செவ்வாய்க்கிழமை இரவு தனது நண்பா்கள் சக்தி கணேஷ் (20), அழகா்சாமி (20) ஆகியோருடன் சிவகாசிக்கு இரு சக்கர வாகனத்தில் சென்று கொண்டிருந்தாா். ஸ்ரீவில்லிபுத்தூா்-சிவகாசி சாலையில் பூவநாதபுரம் விலக்கு அருகே சென்ற போது, எதிரே வந்த லாரியில் மோதாமல் இருக்க பிரேக் பிடித்த போது, பைக் சாலையில் கவிழ்ந்து விபத்துக்குள்ளானது. இதில் ஹரிஹர முருகேசன் சம்பவ இடத்திலேயே உயிரிழந்தாா். காயமடைந்த சக்தி கணேஷ், அழகா்சாமி ஆகிய இருவரும் விருதுநகா் அரசு மருத்துவமனையில் அனுமதிக்கப்பட்டனா்.

இதுகுறித்து மல்லி போலீஸாா் வழக்குப் பதிந்து விசாரிக்கின்றனா்.