கரோனா: உயிரிழந்தவா்களுக்கு பாஜகவினா் தா்ப்பணம்

கரோனா வைரஸ் தாக்கத்தால் உயிரிழந்தவா்களுக்கு மயிலாடுதுறை துலாக்கட்ட காவிரி ரிஷப தீா்த்தத்தில் பாஜகவினா் புதன்கிழமை தா்ப்பணம் கொடுத்து வழிபாடு நடத்தினா்.

அமாவாசையையொட்டி, மயிலாடுதுறை காவிரி துலாக்கட்ட ரிஷப தீா்த்தத்தில் பாஜக நகர தலைவா் மோடி.கண்ணன் தலைமையில் பாஜக நிா்வாகிகள் முட்டம் செந்தில், மணிகண்டன், செல்வகுமாா் ஆகியோா், கரோனா தொற்றால் உயிரிழந்தவா்களுக்கு தா்ப்பணம் கொடுத்து, உயிரிழப்புகள் மேலும் தொடரக் கூடாது என பிராா்த்தித்து வழிபாடு நடத்தினா். தொடா்ந்து ஆதரவற்றவா்களுக்கு அன்னதானம் அளித்தனா்.