1,200 டன் சன்னரக அரிசி வேலூருக்கு அனுப்பி வைப்பு

நீடாமங்கலத்திலிருந்து 1,200 டன் சன்னரக அரிசி பொது விநியோகத் திட்டத்தையொட்டி, வேலூருக்கு சரக்கு ரயிலில் புதன்கிழமை அனுப்பி வைக்கப்பட்டது.
திருவாரூர் மாவட்டம், பாமணி மத்திய சேமிப்புக் கிடங்கு, கீழபாண்டி, மன்னார்குடி வட்டக் கிடங்குகள் ஆகியவற்றிலிருந்து கொள்முதல் செய்யப்பட்ட 1,200 டன் சன்னரக அரிசி, 96 லாரிகளில் நீடாமங்கலம் ரயில் நிலையத்துக்கு புதன்கிழமை கொண்டுவரப்பட்டது. 
இதைத்தொடர்ந்து, பொது விநியோகத் திட்டத்தின்கீழ், வேலூருக்கு சரக்கு ரயிலில் அனுப்பி வைக்கப்பட்டது.