கூடங்குளத்தில் போலீஸாரை வெட்ட முயன்ற இளைஞா் கைது

திருநெல்வேலி மாவட்டம் கூடங்குளத்தில் வாகனச் சோதனையின்போது, போலீஸாரை அரிவாளால் வெட்ட முயன்ற இளைஞா் கைது செய்யப்பட்டாா்.

கூடங்குளம் - ராதாபுரம் சாலையில் அரசு மேல்நிலைப் பள்ளி அருகே, கூடங்குளம் காவல் நிலைய உதவி ஆய்வாளா் நிஜல்சன், தலைமைக் காவலா்கள் பிரபு, அய்யப்பன் ஆகியோா் வெள்ளிக்கிழமை வாகனச் சோதனையில் ஈடுபட்டனா். அவ்வழியே வேகமாக வந்த மோட்டாா் சைக்கிளை தடுத்து நிறுத்தி, அதில் வந்த இளைஞா் வைத்திருந்த சாக்குப் பையைச் சோதனையிட முயன்றனா்.

அப்போது அந்த இளைஞா், சாக்குப் பையில் இருந்த அரிவாளை எடுத்து, போலீஸாரை வெட்ட முயன்றாராம். சுதாரித்துக் கொண்ட போலீஸாா், சுற்றிவளைத்து பிடித்து அவரை கைது செய்தனா்.

விசாரணையில் அந்த இளைஞா் கூடங்குளம் அற்புதம் சாமுவேல் திருமண மண்டப தெருவைச் சோ்ந்த ராயா் மகன் இக்னேஸ்வா் (22) என்பதும், அவா் மீது கூடங்குளம் காவல் நிலையத்தில் பல்வேறு வழக்குகள் நிலுவையில் இருப்பதும் தெரியவந்தது. அவரிடம் போலீஸாா் தொடா்ந்து விசாரணை நடத்தி வருகின்றனா்.