எல்லோராலும் நேசிக்கப்பட்ட மாமனிதரை இந்தியா இழந்துவிட்டது: பி.முகம்மது இஸ்மாயில்

இந்தியாவில் எல்லோராலும் நேசிக்கப்பட்ட  மாமனிதரை  நாடு இழந்து விட்டது என  மதச்சார்பற்ற ஜனதா தள மாநிலத் தலைவர்  பி.முகம்மது இஸ்மாயில் வியாழக்கிழமை தெரிவித்தார்.
இதுகுறித்து அவர் கூறியது: முன்னாள் பிரதமர் வாஜ்பாய் கட்சி வேறுபாடின்றி  எல்லோராலும் நேசிக்கப்பட்டவர். அந்த உயர்ந்த மனிதரை இந்த நாடு இழந்துவிட்டது.  அவரது  மறைவு ஈடு செய்ய முடியாத பேரிழப்பு. அவர் பிரதமராக இருந்தபோது நாட்டுக்கு ஆற்றிய பணிகள் மக்களின் மனதில் என்றும் நிலைத்து நிற்கும்.  அவருடைய ஆத்மா சாந்தியடைய  பிரார்த்திக்கிறேன்  என்றார் அவர்.