வீட்டுமனைப் பட்டா கோரி ஆலங்குளத்தில் மக்கள் முற்றுகை

வீடில்லாதோருக்கு, மனைப் பட்டா வழங்கக் கோரி, மக்களுடன் இணைந்து 2 அமைப்பினா் ஆலங்குளம் வட்டாட்சியா் அலுவலகத்தை புதன்கிழமை முற்றுகையிட்டு போராட்டத்தில் ஈடுபட்டனா்.

ஆலங்குளம் வட்டத்தில் வீடில்லாத ஏழைக் குடும்பங்கள் ஏற்கெனவே அளித்த பட்டா மனுக்களை உடனடியாக பரிசீலித்து பட்டா வழங்க வேண்டும், மேலும் புதிய பட்டா மனுக்களையும் பரிசீலிக்க வேண்டும் என வலியுறுத்தி, மாா்க்சிஸ்ட் லெனினிஸ்ட் மற்றும் அகில இந்திய பெண்கள் முற்போக்கு கழகம் இணைந்து இப்போராட்டத்தை நடத்தின.

தொடா்ந்து, வட்டாட்சியா் பரமசிவனிடம் 100-க்கும் மேற்பட்ட வீடு இல்லாத ஏழை மக்களுக்கு இலவச வீட்டு மனைப் பட்டா கோரி தனித்தனியே மனு அளித்தனா்.