வீட்டில் தீ விபத்து: ரூ. 2 லட்சம் மதிப்பிலான பொருள்கள் சேதம்

வாசுதேவநல்லூரில் வீட்டு மாடியறையில் திடீரென பரவிய தீயால் ரூ. 2 லட்சம் மதிப்பிலான பொருள்கள் முழுவதுமாக எரிந்து சேதமானது. 
வாசுதேவநல்லூர், கீழரத வீதி சுவாமி சன்னதி தெருவைச் சேர்ந்தவர் நாராயணசாமி மகன் முனியாண்டி(56). இவரது வீட்டின் மாடியறையில் செவ்வாய்க்கிழமை திடீரென தீப்பற்றி எரிந்தது. 
தகவலறிந்த, வாசுதேவநல்லூர் தீயணைப்பு நிலைய அலுவலர் (போக்குவரத்து)செல்வமுருகேசன் தலைமையிலான தீயணைப்புப் படையினர், தீ மேலும் பரவாமல் அணைத்தனர். சேதமான மரக்கட்டில், பீரோ உள்ளிட்ட பொருள்களின் மதிப்பு ரூ. 2 லட்சம் இருக்கும் எனவும், மின்கசிவால் இந்த விபத்து நடந்திருப்பதாகவும் தீயணைப்புப் படையினர் தெரிவித்தனர்.