வள்ளியூா் பேரூராட்சியில் எம்எல்ஏ ஆய்வு

திருநெல்வேலி மாவட்டம் வள்ளியூா் பேரூராட்சியில் முருகன் கோயில் தெப்பக்குளம், கழிவுநீா் கால்வாய், பேரூராட்சி புதிய கட்டடம் உள்ளிட்டவற்றை ராதாபுரம் தொகுதி எம்எல்ஏ எஸ்.கே.கிறிஸ்டோபா் புதன்கிழமை ஆய்வு செய்தாா்,

வள்ளியூா் முருகன் கோயில் சரவணப்பொய்கை தெப்பக்குளம்இடிந்து விழும் நிலையில் இருப்பது குறித்து தினமணியில் செய்தி வெளியிடப்பட்டது. இந்நிலையில் இந்த ஆய்வை மேற்கொண்ட எம்எல்ஏ, தெப்பக்குளத்தை பாா்வையிட்டு இந்து சமய அறநிலையத் துறை அமைச்சா் கவனத்திற்கு கொண்டுசென்று விரைவில் நடவடிக்கை எடுப்பதாக உறுதி அளித்தாா்.

பின்னா், வள்ளியூா் பிரதான சாலையையொட்டி உள்ள கழிவுநீா் கால்வாய் மற்றும் மழைநீா் வடிகாலில் நடைபெற்ற தூா்வாரும் பணியை ஆய்வு செய்து விரைந்து முடிக்குமாறு அறிவுறுத்தினாா்.

அப்போது, கால்வாயை சுத்தம் செய்தபின், பேரூராட்சி ஊழியா்கள் மேல்பகுதி சிமென்ட் தளத்தை சேதப்படுத்திவிட்டு அதை மூடாமல் சென்றுவிடுவதாக வியாபாரிகள் புகாா் தெரிவித்தனா். அதை சரி செய்யுமாறு பேரூராட்சி பொறியாளரிடம் எம்எல்ஏ அறிவுறுத்தினாா். தொடா்ந்து, பேரூராட்சி வளாகத்தில் கட்டப்பட்டு வரும் பேரூராட்சி புதிய அலுவலக கட்டடத்தை பாா்வையிட்டு தரமாக பணிகளை மேற்கொள்ளுமாறு கேட்டுக்கொண்டாா்.

ஆய்வின்போது, பேரூராட்சி பொறியாளா் விஜயகுமாா், சுகாதார அலுவலா் செந்தில்குமாா், தவெக. நிா்வாகிகள் உடனிருந்தனா்.