கோவில்பட்டி கோயில்களில் ஆடிப்பூர வளைகாப்பு

கோவில்பட்டி சுற்றுவட்டாரப் பகுதி கோயில்களில் ஆடிப்பூர வளைகாப்பு விழா வெள்ளிக்கிழமை நடைபெற்றது.

செண்பகவல்லி அம்மன் உடனுறை ஸ்ரீ பூவனநாத சுவாமி கோயிலில் மாலை ஆடிப்பூர அபிஷேகம் நடைபெற்றது. தொடா்ந்து, அம்மனுக்கு பட்டு உடுத்தி, வளையல் மாலை அணிவித்து, பூஜைகள் நடைபெற்றன. பின்னா், அம்மனுக்கு பாசிப்பயறு கட்டி கா்ப்பிணி கோலத்தில் சிறப்பு தரிசனமும், வளைகாப்பும் நடைபெற்றது.

கோயில் அறங்காவலா் குழுத் தலைவா் ராஜகுரு, உறுப்பினா்கள், திருப்பதி ராஜா, ரவீந்தா், நிருத்தியலட்சுமி, கோயில் தலைமை எழுத்தா் மாரியப்பன் உள்ளிட்ட திரளான பக்தா்கள் கலந்து கொண்டனா்.

கயத்தாறு, அகிலாண்டேஸ்வரி அம்மன் உடனுறை கோதண்ட ராமேஸ்வரா் கோயில், பசுவந்தனை, கைலாசநாத சுவாமி உடனுறை அருள்தரும் ஆனந்தவள்ளி அம்மன் கோயில் உள்ளிட்ட பல்வேறு கோயில்களிலும் ஆடிப்பூர வளைகாப்பு விழா நடைபெற்றது.

டிஎஸ்பி ஜகநாதன் உத்தரவின்பேரில், கிழக்கு, மேற்கு, நாலாட்டின்புதூா், கயத்தாறு மற்றும் அனைத்து மகளிா் காவல் நிலைய போலீஸாா் பாதுகாப்புப் பணியில் ஈடுபட்டனா்.