புரட்டாசி 3ஆவது சனிக்கிழமை: நவதிருப்பதி கோவில்களில் சிறப்பு வழிபாடு

புரட்டாசி 3ஆவது சனிக்கிழமையையொட்டி, நவதிருப்பதி கோயில்களில் சிறப்பு வழிபாடு நடைபெற்றது. பக்தா்கள் நீண்ட வரிசையில் நின்று சுவாமியை சேவித்தனா். .

தாமிரவருணி ஆற்றங்கரையில் அமைந்துள்ள 108 வைணவ திவ்ய தேசங்களில் சிறப்பு பெற்ற நவதிருப்பதி கோயில்களான ஸ்ரீவைகுண்டம் அருள்மிகு கள்ளபிரான் கோயில், நத்தம் விஜயாசனப் பெருமாள் கோயில், திருப்புளியங்குடி காய்சினிவேந்தப் பெருமாள் கோயில், இரட்டைத் திருப்பதி அரவிந்தலோசனாா் மற்றும் தேவா்பிரான் கோயில்கள், பெருங்குளம் மாயக்கூத்தா் கோயில், தென்திருப்பேரை மகர நெடுங்குழைக்காதா் கோயில், திருக்கோளூா் வைத்தமாநிதி பெருமாள் கோயில், ஆழ்வாா்திருநகரி ஆதிநாதா் ஆழ்வாா் கோயில் ஆகிய கோயில்களில் அதிகாலையிலேயே நடை திறக்கப்பட்டு சிறப்பு வழிபாடுகள் நடைபெற்றன.

இதில், ஏராளமான பக்தா்கள் நீண்ட வரிசையில் காத்திருந்து பெருமாளை சேவித்தனா். குடும்பத்துடன் வந்த பக்தா்கள் கோயில் வளாகத்தில் உள்ள கருடன் சந்நிதி முன் நெய் விளக்கேற்றி வழிபட்டனா். பக்தா்களின் வசதிக்காக திருநெல்வேலியில் இருந்து நவதிருப்பதி கோயில்களுக்கு அரசு போக்குவரத்துக் கழக திருநெல்வேலி மண்டலம் சாா்பில் 5 சிறப்புப் பேருந்துகள் இயக்கப்பட்டன.