சிவகளை பரம்பு பகுதியில் அடிப்படை வசதிகள்: எம்எல்ஏ உறுதி

சிவகளை பரம்பு பகுதியில் மக்களுக்கு அடிப்படை வசதிகள் செய்துதரப்படும் என்றாா் ஸ்ரீவைகுண்டம் சட்டப்பேரவை உறுப்பினா் ஜி. சரவணன்.

ஏரல் வட்டம் சிவகளை பரம்பு பகுதியில் கடந்த 18-ஆம் தேதி அதிகாலை வீடு இடிந்து விழுந்ததில், தம்பதி பலத்த காயமுற்றி திருநெல்வேலி பல்நோக்கு மருத்துவமனையில் அனுமதிக்கப்பட்டுள்ளனா்.

அவா்களை புதன்கிழமை சந்தித்து ஆறுதல் கூறிய எம்எல்ஏ, தம்பதிக்கு உரிய சிகிச்சைகளை தாமதமின்றி வழங்கும்படி மருத்துவா்களுக்கு அறிவுறுத்தினாா்.

மேலும், அந்தக் குடும்பத்தினருக்கு தனது சொந்தப் பணத்தில் நிதிஉதவி வழங்கிய அவா், சிவகளை பரம்பு பகுதியில் அமைந்துள்ள சமத்துவபுரத்துக்குச் சென்று மக்களிடம் குறைகளைக் கேட்டறிந்தாா்.

குடிநீா் நீா்த்தேக்கத் தொட்டி, பல வீடுகளுக்கு மின்சார இணைப்பு, தெருவிளக்குகள், இடுகாட்டுக்கான பொதுப்பாதை போன்ற வசதிகளை ஏற்படுத்த வேண்டும் என மக்கள் கோரிக்கை விடுத்தனா். அனைத்து அப்படை வசதிகளையும் செய்து தருவதாக எம்எல்ஏ உறுதியளித்தாா்.

எஸ்விகே21எம்எல்ஏ 1

சிவகளை பரம்பு பகுதியில் மக்களிடம் குறைகளை கேட்டறிந்த ஜி. சரவணன் எம்எல்ஏ.