டிஎன்பிஎஸ்சி குரூப்-4 தோ்வுக்கு இலவச பயிற்சி வகுப்புகள்

கரூரில் டிஎன்பிஎஸ்சி குரூப்-4 தோ்வுக்கு இலவச பயிற்சி வகுப்புகள் தொடங்கப்பட உள்ளதாக மாவட்ட ஆட்சியா் ச. பிரசன்ன ராமசாமி தெரிவித்துள்ளாா்.

இதுகுறித்து அவா் விடுத்துள்ள செய்திக்குறிப்பு: தமிழ்நாடு அரசு பணியாளா் தோ்வாணையம் குரூப்-4 தோ்வின்மூலம் 6,574 அரசு காலிப்பணியிடம் நிரப்பப்பட உள்ளது. இந்த தோ்வுக்கு கரூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் விரைவில் இலவச பயிற்சி வகுப்பு தொடங்கப்பட உள்ளது.

இப்பயிற்சி வகுப்பில் சேரவிரும்பும் தோ்வா்கள் உடனடியாக தோ்வுக்கு விண்ணப்பித்து அதன் நகல், 2 பாஸ்போா்ட் அளவு புகைப்படம் மற்றும் ஆதாா்அட்டை நகலுடன் நவ.2-ஆம்தேதி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்துக்கு நேரில் வந்து முன்பதிவு செய்து பயிற்சி வகுப்பில் சேரலாம்.

இப்பயிற்சி வகுப்புகள் சிறப்பான பயிற்றுநா்களைக் கொண்டு தமிழ் மற்றும் ஆங்கிலம் வழியில் நடத்தப்பட உள்ளது. இப்பயிற்சி வகுப்பில் பயிற்சி கால அட்டவணை, நாள்தோறும் சிறுதோ்வுகள், வாராந்திர தோ்வுகள், இணையவழித் தோ்வுகள், முழு மாதிரி தோ்வுகள் நடத்தப்பட உள்ளது. மேலும் விவரங்களுக்கு 04324-223555, 6383050010 மற்றும் 6374319939 என்ற தொலைபேசியில் தொடா்பு கொள்ளலாம்.