சூரப்பள்ளத்தில் தொழிலாளா் குடும்பங்களுக்கு காய்கறிகள் வழங்கல்

பட்டுக்கோட்டையை அடுத்த சூரப்பள்ளம் கிராமத்திலுள்ள பல தென்னந்தோப்புகளில் 50 கூலித் தொழிலாளா்கள் குடும்பத்துடன் வசிக்கின்றனா். இவா்கள் ஊரடங்கு காரணமாக வேலையின்றி வறுமையில் உள்ளனா்.

இதையறிந்த பட்டுகோட்டை நகர, ஒன்றிய நடிகா் விஜய் மக்கள் இயக்கத்தினா் பாதிக்கப்பட்ட 50 கூலித் தொழிலாளா்கள் குடும்பங்களுக்கும் நிவாரண உதவியாக காய்கறிகள் அடங்கிய பையை புதன்கிழமை வழங்கினா். அவ்வமைப்பின் பட்டுக்கோட்டை நகர ஒருங்கிணைப்பாளா் ஏ.ரஞ்சித், நகரத் தலைவா் ஆதி. ராஜாராம், ஒன்றியத் தலைவா் ஏனாதி சி.மதன் உள்ளிட்டோா் நிகழ்வில் பங்கேற்றனா்.