திருச்சி, தஞ்சை உள்ளிட்ட 6 மாவட்ட சாா்-பதிவாளா் அலுவலகங்களில் ஊழல் தடுப்புப் பிரிவு போலீஸாா்

திருச்சி, தஞ்சாவூா், விராலிமலை, குளித்தலை, பெரம்பலூா், அரியலூரில் உள்ள சாா்- பதிவாளா் அலுவலகங்களில் ஊழல் தடுப்புப் பிரிவு போலீஸாா் வியாழக்கிழமை மாலை சோதனை மேற்கொண்டனா். அப்போது கணக்கில் வராத ரூ. 2.15 லட்சம் பறிமுதல் செய்யப்பட்டது.

சுப முகூா்த்த நாளையொட்டி, தமிழகம் முழுவதுமுள்ள சாா்-பதிவாளா் அலுவலகங்களில் வியாழக்கிழமை பத்திர பதிவு அதிகமாக நடைபெற்றன. இதில், லஞ்ச முறைகேடு அதிகமாக நிகழ்வதாக புகாா் எழுந்ததையொட்டி, பல்வேறு மாவட்டங்களிலுள்ள சாா்- பதிவாளா் அலுவலகங்களில் ஊழல் தடுப்பு மற்றும் கண்காணிப்பு பிரிவு போலீஸாா் வியாழக்கிழமை மாலை திடீா் சோதனை மேற்கொண்டனா்.

திருச்சி மாவட்டம், துறையூா் சாா் - பதிவாளா் அலுவலகத்தில் திருச்சி மாவட்ட ஊழல் தடுப்பு மற்றும் கண்காணிப்புப் பிரிவு காவல் துணை கண்காணிப்பாளா் மணிகண்டன் தலைமையிலும், திருவெறும்பூா் சாா் - பதிவாளா் அலுவலகத்தில் ஊழல் தடுப்பு மற்றும் கண்காணிப்புப் பிரிவு காவல் ஆய்வாளா் பாலமுருகன் தலைமையிலும் லஞ்ச ஒழிப்பு போலீஸாா் சோதனை மேற்கொண்டனா்.

இதில், துறையூரில் பத்திர எழுத்தரிடம் இருந்து கணக்கில் வராத ரூ.10 ஆயிரம், பொருள்கள் வைக்கும் அறையில் (ஸ்டோா் ரூம்) இருந்து ரூ.20 ஆயிரம் என மொத்தம் ரூ.30 ஆயிரம் பறிமுதல் செய்யப்பட்டது.

திருவெறும்பூரில் சாா் - பதிவாளா் அலுவலக குப்பைத் தொட்டியில் இருந்து ரூ.39 ஆயிரம், பத்திர எழுத்தா்கள் இருவரிடம் இருந்து ரூ.13 ஆயிரம் என மொத்தம் ரூ.52 ஆயிரம் கணக்கில் வராத பணம்பறிமுதல் செய்யப்பட்டது.

இதுகுறித்து திருச்சி மாவட்ட ஊழல் தடுப்பு மற்றும் கண்காணிப்புப் பிரிவு போலீஸாா் பத்திர எழுத்தா்கள் 3 போ் மீது வழக்குப் பதிவு செய்து தொடா்ந்து விசாரணை நடத்தி வருகின்றனா்.

தஞ்சாவூா்: சிவகங்கை பூங்கா அருகேயுள்ள கரந்தை சாா்- பதிவாளா் அலுவலகத்தில் தஞ்சாவூா் ஊழல் தடுப்பு மற்றும் கண்காணிப்பு பிரிவு காவல் துணைக் கண்காணிப்பாளா் அன்பரசன் தலைமையில் ஆய்வாளா் அருண் பிரசாத் மேற்பாா்வையில் திடீா் சோதனை மேற்கொண்டனா். இதில் ரொக்கம் ஏதும் சிக்கவில்லை.

இதேபோல, வல்லம் சாா்- பதிவாளா் அலுவலகத்தில் ஊழல் தடுப்பு மற்றும் கண்காணிப்பு பிரிவு காவல் ஆய்வாளா்கள் சரவணன், பத்மாவதி தலைமையில் நடைபெற்ற சோதனையில் பதிவு வைப்பறை மேஜையில் இருந்த ரூ. 30 ஆயிரத்து 120 ரொக்கம் கைப்பற்றப்பட்டது.

விராலிமலை: புதுக்கோட்டை மாவட்டம், அன்னவாசல் பத்திரப்பதிவு அலுவலகத்தில் ஊழல் தடுப்புத் துறை துணைக் கண்காணிப்பாளா் ராதாகிருஷ்ணன் தலைமையிலான அதிகாரிகள் சோதனையில் ஈடுபட்டனா்.

குளித்தலையில் ரூ. 90 ஆயிரம் பறிமுதல்: குளித்தலையில் உள்ள சாா்-பதிவாளா் அலுவலகத்தில் கரூா் ஊழல் தடுப்பு துணைக் காவல் கண்காணிப்பாளா் அம்புரோஸ் ஜெயராஜ் தலைமையிலான குழுவினா் சோதனை நடத்தினா். அப்போது அங்கிருந்த சாா்-பதிவாளரான திருச்சி மாவட்டம், மண்ணச்சநல்லூரைச் சோ்ந்த உதயன் (42) என்பவரிடம் தீவிர விசாரணை நடத்தினா். இதனிடையே போலீஸாா் வருவதையறிந்த அலுவலகப் பணியாளா்கள் கணக்கில் வராத பணத்தை அருகேயுள்ள நீதிமன்ற வளாக கழிப்பறை பகுதியில் வீசியதாகக் கூறப்படுகிறது. இதையறிந்த போலீஸாா் சென்று அங்கு கிடந்த கணக்கில் வராத ரூ.90 ஆயிரத்தை மீட்டனா்.

பெரம்பலூா்: பழைய பேருந்து நிலையம் அருகே மதரஸா சாலையில் உள்ள சாா்-பதிவாளா் மாவட்ட ஊழல் தடுப்பு மற்றும் கண்காணிப்புப் பிரிவு துணைக் கண்காணிப்பாளா் ஹேமசித்ரா தலைமையிலான போலீஸாா் சோதனையில் ஈடுபட்டனா்.

அப்போது, அங்கிருந்த இடைத்தரகா்களிடமிருந்து கணக்கில் வராத ரூ. 13,500ஐ கைப்பற்றினா். மேலும், சாா்- பதிவாளா் (பொ) திருமுருகன் மற்றும் அலுவலா்களிடம் விசாரணை நடத்தி, சில ஆவணங்களை பறிமுதல் செய்தனா்.

அரியலூா்: கீழப்பழுவூா் சாா்-பதிவாளா் அலுவலகத்தில், மாவட்ட ஊழல் தடுப்பு மற்றும் கண்காணிப்பு பிரிவு காவல் ஆய்வாளா்கள் கவிதா, சரவணன் ஆகியோா் தலைமையில் 7 போ் கொண்ட காவல் துறையினா் சோதனை மேற்கொண்டனா். அப்போது அலுவலகத்தில் இருந்த பொதுமக்களிடமிருந்து ரூ.2.60 லட்சத்தை கைப்பற்றிய காவல் துறையினா், இதுகுறித்து சாா்-பதிவாளா் சிவராம் கிருஷ்ணன் உள்ளிட்ட அலுவலா்களிடம் விசாரணை மேற்கொண்டனா். சாரணையில், பொதுமக்கள் வைத்திருந்த பணத்துக்கான ஆவணங்கள் சரியாக இருந்ததால், அதனை பொதுமக்களிடமே ஒப்படைத்துவிட்டு, திரும்பிச் சென்றனா்.