தூக்க மாத்திரைகளை தின்று இளைஞா் தற்கொலை

திருச்சி உறையூரில் தூக்க மாத்திரைகளை உட்கொண்டு இளைஞா் தற்கொலை செய்து கொண்டாா்.

திருச்சி உறையூா் தெலுங்கு செட்டித் தெருவைச் சோ்ந்தவா் ஜெகதீஸ்வரன் மகன் விஸ்வநாத் (27). இவா் பழைய துணி வாங்குவது மற்றும், இஸ்திரி தொழில் செய்து வந்தாா். இவருக்கு உடல்நலப் பிரச்னை இருந்ததால், கடந்த 3 ஆண்டுகளாக திருச்சி தனியாா் மருத்துவமனையில் சிகிச்சை பெற்று வந்தாா்.

இந்நிலையில் கடந்த 8 ஆம் தேதி மாலை வீட்டுக்கு வந்தவா், திடீரென தூக்க மாத்திரைகளை உட்கொண்டு மயங்கினாா்.

இதையடுத்து திருச்சி அரசு மருத்துவமனையில் சோ்க்கப்பட்ட அவா் சிகிச்சை பலனின்றி வெள்ளிக்கிழமை இறந்தாா். உறையூா் போலீஸாா் வழக்குப் பதிந்து விசாரிக்கின்றனா்.