பெண்ணிடம் தாலிச் செயின் பறித்த இருவா் பிடிபட்டனர்!

திருவானைக்காவல் பகுதியில் வெள்ளிக்கிழமை மாலை பெண்ணின் தாலிச் செயினை பறித்த இருவா் சனிக்கிழமை பிடிபட்டனா்.

திருவானைக்காவல் ராகவேந்திரா காா்டன் பகுதியில் வசிப்பவா் கல்பனா (35). இவா் வெள்ளிக்கிழமை மாலை அருகிலுள்ள மளிகை கடைக்கு சென்றபோது தலைக்கவசம் அணிந்து நடந்து வந்த மா்ம நபா் கல்பனாவின் தாலி செயினை பறித்து கொண்டு மற்றொரு நபா் வந்த பைக்கில் ஏறி தப்பிச் சென்றாா்.

இந்த சம்பவம் அங்கேயிருந்த சிசிடிவி கேமராவில் பதிவாகியிருந்தது. செயினை பறித்த மா்ம நபா்கள் சற்று தொலைவில் பறிக்கப்பட்ட செயின் கவரிங் என்பதை அறிந்து அங்கேயே வீசி சென்றனா். இந்த நிகழ்வு இணையத்தில் வைரலாக பரவியது. இதுகுறித்து ஸ்ரீரங்கம் குற்றப்பிரிவு போலீஸாா் வழக்குப் பதிந்து பாலக்கரை பகுதியைச் சோ்ந்த இருவரை பிடித்து விசாரிக்கின்றனா்.