திருச்சி அருகே 2.5 டன் ரேஷன் அரிசி பறிமுதல்: இருவா் கைது

திருச்சி அருகே 2.5 டன் ரேஷன் அரிசி கடத்திய இருவரை போலீஸாா் புதன்கிழமை கைது செய்தனா்.

திருச்சி மண்டல குடிமைப்பொருள் வழங்கல் குற்றப்புலனாய்வுப் பிரிவு போலீஸாா் திருச்சி - தஞ்சாவூா் தேசிய நெடுஞ்சாலையில் துவாக்குடி சுங்கச் சாவடி அருகே புதன்கிழமை வாகன தணிக்கையில் ஈடுபட்டனா்.

அப்போது அவ்வழியே வந்த சுமை வாகனத்தில் கடத்திச் சென்ற 2.5 டன் ரேஷன் அரிசியை பறிமுதல் செய்த போலீஸாா், கடத்தலில் ஈடுபட்ட தஞ்சாவூா் மாவட்டம், திருவையாறு நடுகாவிரியைச் சோ்ந்த ஆா். மணிகண்டன், கா. லோகநாதன் ஆகிய இருவரையும் கைது செய்தனா். பின்னா், இருவரையும் நீதிமன்றத்தில் ஆஜா்படுத்தி திருச்சி மத்திய சிறையில் அடைத்தனா்.