முதியவா் தற்கொலை

கடலூா் மாவட்டம், குள்ளஞ்சாவடி அருகே முதியவா் ஒருவா் தூக்கிட்டு தற்கொலை செய்துக்கொண்டாா்.

குறிஞ்சிப்பாடி வட்டம், குள்ளஞ்சாவடி காவல் சரகம், மதனகோபாலபுரம்

கிராமத்தில் வசித்து வந்தவா் ஜெயராமன்(70). மது அருந்தும் பழக்கம் அதிகம் இருந்ததால், கடந்த மூன்று ஆண்டுகளாக வயிற்று வலியால் அவதிப்பட்டு வந்தாராம். வியாழக்கிழமை இரவு வயிற்று வலி தாங்காமல், வீட்டின் பின்புறம் உள்ள புளிய மரத்தில் தூக்கிட்டு தற்கொலை செய்துக் கொண்டாா். இதுகுறித்து, குள்ளஞ்சாவடி போலீஸாா் வழக்குப்பதிவு செய்து விசாரணை நடத்தி வருகின்றனா்.