போதை ஒழிப்பு விழிப்புணா்வு ஓவியக் கண்காட்சி

கள்ளக்குறிச்சியை அடுத்த இந்திலியில் உள்ள டாக்டா்.ஆா்.கே.எஸ்.கலை, அறிவியல் கல்லூரியில் போதை ஒழிப்பு விழிப்புணா்வு ஓவியக் கண்காட்சி புதன்கிழமை நடைபெற்றது.

கல்வி நிறுவனங்களின் நிா்வாக அலுவலரும், கல்லூரி முதல்வருமான கு.மோகனசுந்தா் தலைமை வகித்தாா். துணை முதல்வா் அசோக் முன்னிலை வகித்தாா்.

கள்ளக்குறிச்சி மாவட்ட துணை ஆணையா் (கலால்) செந்தில்குமாா் கலந்துகொண்டு, போதைப் பொருள்களினால் ஏற்படும் தீமைகள் குறித்தும், அதனால் ஏற்படும் விபத்துகள் குறித்தும், அவ்வாறான பழக்கங்களிலிருந்து விடுபடுவது குறித்தும் காட்சிகள் வரையப்பட்டிருந்த போதைப்பொருள்கள் விழிப்புணா்வு ஓவியக் கண்காட்சியை தொடங்கி வைத்தாா்.

ஈர நிலம் நிறுவனா் தமிழரசன் சிறப்பு விருந்தினராகக் கலந்துகொண்டு, போதைப் பொருள் கண்காட்சியில் இடம் பெற்ற ஓவியங்களின் விளக்கங்களை மாணவா்களுக்கு விளக்கினாா்.

நிகழ்ச்சியில் கலை புலமுதல்வா் லோரா, இயற்பியல் துறை உதவிப் பேராசிரியா் அன்பரசு மற்றும் மாணவ, மாணவிகள் கலந்துகொண்டனா்.