புதுச்சேரியில் 3 புதிய அமைச்சா்கள் இன்று பதவியேற்பு: சட்டப்பேரவையில் அறைகள் தயாா்

புதுச்சேரி அமைச்சரவை புதன்கிழமை (ஜூன் 17) விரிவாக்கம் செய்யப்படுகிறது. இதையொட்டி 3 புதிய அமைச்சா்கள் பதவியேற்கின்றனா். அவா்களுக்கு துணைநிலை ஆளுநா் கே.கைலாஷ் நாதன் பதவிப்பிரமாணமும், ரகசியகாப்புப் பிரமாணமும் செய்து வைக்கிறாா்.

புதுச்சேரி சட்டப்பேரவைத் தோ்தலில் தேசிய ஜனநாயக கூட்டணி 18 தொகுதிகளில் வெற்றிபெற்று ஆட்சியைத் தக்கவைத்துக்கொண்டது. கூட்டணியின் சாா்பில்

என். ரங்கசாமி மீண்டும் முதல்வராக மே 13 -ஆம் தேதி பதவியேற்றாா். அவருடன், அமைச்சா்களாக பாஜகவை சோ்ந்த ஆ. நமச்சிவாயம், என்.ஆா்.காங்கிரஸைச் சோ்ந்த மல்லாடி கிருஷ்ணாராவ் ஆகியோரும் பதவியேற்றனா்.

இதைத் தொடா்ந்து மே 18 -ஆம் தேதி தற்காலிக சட்டப்பேரவைத் தலைவராக ஆ.அன்பழகன் பதவியேற்றாா். மே 20 -ஆம் தேதி அனைத்து எம்எல்ஏக்களுக்கும் சட்டப்பேரவையில் அவா் பதவி பிரமாணம் செய்து வைத்தாா்.

இந்நிலையில் ஜூன் 3 -ஆம் தேதி என்.ஆா்.காங்கிரசைச் சோ்ந்த பெ.ராஜவேலு, வி.பி. சிவக்கொழுந்து, பாஜகவை சோ்ந்த ஜிஎன்எஸ். ராஜசேகா் ஆகியோரை அமைச்சா்களாக நியமிக்க துணைநிலை ஆளுநா் கைலாஷ்நாதனிடம், முதல்வா் ரங்கசாமி பரிந்துரைத்தாா்.

முதல்வரின் பரிந்துரை கடிதம் அடங்கிய கோப்பு மத்திய உள்துறை மூலம் குடியரசுத் தலைவரின் ஒப்புதலுக்கு அனுப்பப்பட்டது. கடந்த 8 -ஆம் தேதி குடியரசுத் தலைவா் திரௌபதி முா்மு 3 அமைச்சா்களின் நியமனத்துக்கு ஒப்புதல் அளித்தாா்.

பதவியேற்பு விழா:

இதையடுத்து புதிய அமைச்சா்களின் பதவியேற்பு விழா புதன்கிழமை நடைபெறுகிறது. பாரதி பூங்கா அருகே உள்ள பழைய துணைநிலை ஆளுநா் மாளிகையில் காலை 9.15 மணிக்கு நடைபெறும் நிகழ்ச்சியில், துணைநிலை ஆளுநா் கே. கைலாஷ்நாதன் புதிய அமைச்சா்களுக்கு பதவிப் பிரமாணமும், ரகசிய காப்புப் பிரமாணமும் செய்து வைக்கிறாா். விழாவில் முதல்வா் என்.ரங்கசாமி, அமைச்சா்கள், எம்எல்ஏக்கள் பங்கேற்கின்றனா். தொடா்ந்து சட்டப்பேரவைக்கு வந்து 3 புதிய அமைச்சா்களும் தங்கள் அறைகளில் பொறுப்புகளை ஏற்கின்றனா்.

புதிய அமைச்சா்களுக்காக சட்டப்பேரவையில் அறைகள் தயாராகிவிட்டன. ஏற்கெனவே பதவி ஏற்ற 2 அமைச்சா்களுக்கு இதுவரை இலாகா ஒதுக்கப்படவில்லை. இதனால் 5 அமைச்சா்களுக்கும் புதன்கிழமை இலாகா ஒதுக்கப்படும் எனத் தெரிகிறது.