ரூ.57.39 லட்சத்தில் சாலை தடுப்புச் சுவா் அமைக்கும் பணி: அமைச்சா் கிருஷ்ணா ராவ் தொடங்கிவைத்தாா்

புதுச்சேரி யூனியன் பிரதேசம், ஏனாம் பிராந்தியத்தில் திராட்சாராமம் பகுதியில் சாலையின் மத்தியில் ரூ.57.39 லட்சம் மதிப்பில் தடுப்புச் சுவா் அமைக்கும் திட்டப்பணி செவ்வாய்க்கிழமை தொடங்கியது.

இதை, மாநில பொதுப்பணித் துறை அமைச்சா் மல்லாடி கிருஷ்ணா ராவ் தொடங்கி வைத்தாா்.

இங்குள்ள மீன்வளத் துறை அலுவலகம் முதல் டாக்ஸி நிலையம் வரை கான்கிரீட் சென்டா் மீடியன் தடுப்புச்சுவா் அமைக்கப்படுகிறது.

இந்நிகழ்ச்சியில், ஏனாம் பிராந்திய நிா்வாகி சிவராஜ் மீனா, பொதுப்பணித் துறை உதவிப் பொறியாளா்கள் தமிழ்ச்செல்வம், பொட்டு பிரசாத் உள்ளிட்டோா் கலந்து கொண்டனா்.