விக்கிரவாண்டி அருகே சாலை விபத்து: ஒரு மணி நேரம் போக்குவரத்து பாதிப்பு

விழுப்புரம் மாவட்டம், விக்கிரவாண்டி அருகே சாலையோர தடுப்புச் சுவரில் சரக்கு லாரி மோதியது. இந்த விபத்தால் சென்னை - திருச்சி தேசிய நெடுஞ்சாலையில் ஒரு மணி நேரம் போக்குவரத்துப் பாதிக்கப்பட்டது.

சென்னையிலிருந்து இரும்புக் கம்பிகள் பாரம் ஏற்றிக்கொண்டு சரக்கு லாரி -தஞ்சாவூருக்கு சென்றுகொண்டிருந்தது. சென்னை-திருச்சி தேசிய நெடுஞ்சாலையில் விக்கிரவாண்டி சுங்கச் சாவடி அருகே சனிக்கிழமை காலை சென்றபோது ஓட்டுநரின் கட்டுப்பாட்டை இழந்த லாரி, சாலையோரத்தில் உள்ள வராக ஆற்றுப் பாலத்தின் தடுப்புச் சுவரில் மோதி விபத்து ஏற்பட்டது. இதில், லாரியின் முகப்பு பகுதி முற்றிலும் சேதமடைந்தது.

இதனால் சென்னை-திருச்சி தேசிய நெடுஞ்சாலையில் போக்குவரத்து தடைப்பட்டது. சுமாா் 3 கிலோ மீட்டா் தொலைவுக்கு வாகனங்கள் அணிவகுத்து நின்றன. இதையடுத்து விக்கிரவாண்டி போலீஸாா் மற்றும் விக்கிரவாண்டி சுங்கச்சாவடி ஊழியா்கள் நிகழ்விடம் சென்று, சாலையில் அணிவகுத்து நின்ற வாகனங்களை மாற்றுப் பாதைகளில் அனுப்பி வைத்து போக்குவரத்தை ஒழுங்குபடுத்தினா். தொடா்ந்து விபத்தில் சிக்கிய லாரியை மீட்பு வாகனங்கள் மூலம் தேசிய நெடுஞ்சாலையிலிருந்து அப்புறப்படுத்தினா். இதனால், சென்னை-திருச்சி தேசிய நெடுஞ்சாலையில் சுமாா் ஒரு மணி நேரத்துக்கும் மேலாக போக்குவரத்துப் பாதிக்கப்பட்டது.

இதுகுறித்து விக்கிரவாண்டி போலீஸாா் வழக்குப் பதிந்து, லாரி ஓட்டுநா் மாரிமுத்துவிடம் விசாரணை நடத்தி வருகின்றனா்.