அடுத்த வாரம் ஆகஸ்ட் 30 அன்று பிரபாஸ் நடித்த சாஹோ படம் வெளியாகிறது. ரசிகர்களும் திரையரங்குகளும் இதற்குத் தயாராகி வருகிற வேளையில் இந்த வாரம் மூன்று தமிழ்ப்படங்கள் வெளியாகவுள்ளன.

வியாழன் அன்று கென்னடி கிளப் படமும் வியாழன் அன்று மெய், பக்ரீத் ஆகிய படங்களும் வெளியாகவுள்ளன. திரையரங்குகள், சசிகுமார் நடித்த கென்னடி கிளப் படத்துக்கு முன்னுரிமை அளித்துள்ளன. கடந்த இரு வாரங்களாக வெளியான நேர்கொண்ட பார்வை, கோமாளி ஆகிய படங்கள் அபார வசூல் கண்ட நிலையில் இந்தப் படத்தின் மீதும் எதிர்பார்ப்பு நிலவுகிறது. 

இயக்குநர் சுசீந்திரன் இயக்கத்தில் மகளிர் கபடி விளையாட்டை மையமாகக் கொண்டு உருவாக்கப்பட்டுள்ள படம் - கென்னடி கிளப். சசிகுமார், பாரதிராஜா, மீனாட்சி, காயத்ரி, நீது, செளம்யா, சூரி, முனிஷ்காந்த் போன்றோர் நடித்துள்ளார்கள். இசை - இமான். இந்தப் படம் ஆகஸ்ட் 15 அன்று வெளியாவதாக முதலில் அறிவிக்கப்பட்டது. இந்நிலையில் ஆகஸ்ட் 22 அன்று வெளிவரவுள்ளது.