கலர்ஸ் தொலைக்காட்சியில் நேரடியாக வெளியாகும் கதிர், சூரி நடித்த சர்பத்

கதிர் நடித்த சர்பத் படம் நேரடியாக தொலைக்காட்சியில் வெளியாகவுள்ளது. 

ஹலிதா ஷமீம் இயக்கிய ஏலே படம் விஜய் தொலைக்காட்சியில் நேரடியாக வெளியானது. அதற்கு முன்பு சுந்தர். சி இயக்கிய நாங்க ரொம்ப பிஸி படமும் சன் டிவியில் நேரடியாக வெளியானது. இந்த வரிசையில் மற்றொரு படமும் இணைந்துள்ளது.

கதிர், ரகஸ்யா, சூரி நடித்துள்ள படம் - சர்பத். பிரபாகரன் இயக்கியுள்ள இப்படத்துக்கு சூப்பர் சிங்கர் அஜீஷ் இசையமைத்துள்ளார். செவன் ஸ்கிரீன் ஸ்டூடியோ மற்றும் வயகாம் 18 ஸ்டூடியோஸ் நிறுவனங்கள் இணைந்து தயாரித்துள்ளன.

இந்தப் படம் கலர்ஸ் தமிழ் தொலைக்காட்சியில் நேரடியாக வெளியாகவுள்ளது. ஏப்ரல் 11 அன்று மாலை 4 மற்றும் இரவு 7 மணி என இருமுறை சர்பத் படம் கலர்ஸ் தமிழ் தொலைக்காட்சியில் ஒளிபரப்பாகும் என அறிவிக்கப்பட்டுள்ளது.