இந்த வாரம் திரையரங்குகளில் வெளியாகவுள்ள திரைப்படங்கள்!

மிக்ஜம் புயலால் பெய்த கனமழை காரணமாக சென்ற வாரம் வெளியான திரைப்படங்கள் பெரிய பாதிப்பை சந்தித்தாலும், இந்த வாரமும் புதுப்படங்கள் வெளியாக தயாராகவுள்ளன.

அந்த வகையில் இந்த வாரம் எந்தெந்த திரைப்படங்கள் வெளியாகவுள்ளன என்பதைக் காணலாம்.

சதீஷ், நாசர், சரண்யா பொன்வண்ணன், ஆனந்த்ராஜ், ரெஜினா கசன்ட்ரா, விடிவி கணேஷ், ரெடின் கிங்ஸ்லி, நமோ நாராயணன் உள்ளிட்ட நட்சத்திரங்கள் நடித்துள்ள கான்ஜூரிங் கண்ணப்பன் படம் வரும் டிசம்பர் 8 ஆம் தேதி வெளியாகும் என படக்குழுவினர் அறிவித்துள்ளனர்.

நானியின் 30வது படத்தினை இயக்குகிறார் அறிமுக இயக்குநர் ஷௌர்யுவ் இயக்கியுள்ளார். இந்தப் படத்திற்கு ‘ஹாய் நான்னா’ எனப் பெயரிடப்பட்டு  உள்ளது.   வைரா என்டர்டெயின்மென்ட் தயாரிக்கும் இப்படத்தில் நாயகியாக மிருணாள் தாக்குர் நடித்துள்ளார். இப்படம் இன்று (டிச. 7) தமிழ், தெலுங்கு, ஹிந்தி, கன்னடனம், மலையாளம் ஆகிய மொழிகளில் வெளியானது

மேலும் காளிதாஸ் ஜெயராம் கதாநாயகனாக நடித்துள்ள அவள் பெயர் ரஜினி, நடிகர் கார்த்திக் நடித்துள்ள தீ-இவன், சுருஸ்டி தாங்கே நடிப்பில் உருவாகியுள்ள கட்டில் உள்ளிட்ட மூன்று திரைப்படங்கள்  டிச.8 ஆம் தேதி வெளியாகிறது.

இதையும் படிக்க: இந்த வாரம் ஓடிடியில் வெளியாகும் திரைப்படங்கள்!

இதைத் தொடர்ந்து மறுவெளியீட்டு திரைபடங்களான ரஜினியின் முத்து, கமலின் ஆளவந்தான் திரைப்படங்கள்  டிச.8 ஆம் தேதி வெளியாகிறது.