'வாத்தி’ இசை வெளியீட்டுத் தேதி அறிவிப்பு

வாத்தி படத்தின் இசைவெளியீட்டுத் தேதி அறிவிக்கப்பட்டுள்ளது.

'திருச்சிற்றம்பலம்', 'நானே வருவேன்' படங்களுக்கு பிறகு தனுஷ் தற்போது வெங்கி அட்லுரி இயக்கத்தில் 'வாத்தி' படத்தில் நடித்துள்ளார். தெலுங்கில் சார் என்ற பெயரில் இந்தப் படம் உருவாகியுள்ளது.

சித்தாரா எண்டர்டெயின்மென்ட்ஸ் தயாரிக்கும் இந்தப் படத்துக்கு ஜி.வி.பிரகாஷ் குமார் இசையமைத்துள்ளார். இப்படத்தில் தனுஷுக்கு ஜோடியாக சம்யுக்தா மேனன் நடிக்க, சமுத்திரக்கனி முக்கிய வேடத்தில் நடித்துள்ளார்.

இதையும் படிக்க: ’பத்து தல’ கிளிம்ப்ஸ் விடியோ வெளியீடு 

'வாத்தி' திரைப்படம் பிப்ரவரி 17ஆம் தேதி வெளியாகும் என படக்குழு தெரிவித்துள்ளது.

இந்நிலையில், நாளை மறுநாள்(பிப்.4) இப்படத்தின் இசைவெளியீட்டு விழா சென்னையில்  பிரம்மாண்டமாக நடைபெறவுள்ளதாக அறிவிப்பு வெளியாகியுள்ளது.