பிரபல நடிகை தேவயானியின் சகோதரரான நகுல், 2003-ல் பாய்ஸ் படத்தின் மூலம் திரையுலகில் அறிமுகமானார். 2008-ல் வெளியான காதலில் விழுந்தேன் படத்தின் மூலம் கதாநாயகன் ஆகி இதுவரை பல படங்களில் நடித்துள்ளார். சில பாடல்களையும் பாடியுள்ளார். சூப்பர் சிங்கர் ஜூனியர் 7 நிகழ்ச்சியில் சிறப்பு விருந்தினராகக் கலந்துகொண்டுள்ளார்.  

2016, பிப்ரவரி 28 அன்று ஸ்ருதியைக் காதல் திருமணம் செய்தார் நடிகர் நகுல். ஸ்ருதி பல தொலைக்காட்சி நிகழ்ச்சிகளில் தொகுப்பாளராகப் பணியாற்றியுள்ளார். 

தொடர்ந்து திரைப்படங்களில் நடிப்பதுடன் தொலைக்காட்சி நிகழ்ச்சிகளிலும் கலந்துகொண்டுவருகிறார் நகுல். 'எரியும் கண்ணாடி' மற்றும் 'வாஸ்கோடகாமா' என இரண்டு படங்கள் நீண்ட நாள்களாக வெளிவராமல் இருக்கின்றன.

டி3, நிற்க அதற்கு தக ஆகிய படங்களை இயக்கிய இயக்குநர் பாலாஜி இயக்கத்தில் ‘தி டார்க் ஹெவன்’ எனும் படத்தில் நடித்துவருகிறார். இந்தப் படத்தின் முதல் பார்வை போஸ்டர் சமீபத்தில் போஸ்டர் வெளியானது.

இந்நிலையில் ஆர்.ஜி. கிருஷ்ணன் இயக்கியுள்ள வாஸ்கோடகாமா படம் ஆகஸ்ட் 2ஆம் தேதி திரைக்கு வருமென படக்குழு அறிவித்துள்ளது.

இயக்குநர் கே.எஸ்.ரவிக்குமார் முனிஸ்காந்த் முக்கியமான கதாபாத்திரத்தில் நடித்துள்ளார்கள்.