இயக்குநர் அட்லியின் 6வது படத்தின் நாயகன் யார் என்ற குழப்பம் நீடித்து வருகிறது.

இயக்குநர் ஷங்கரின் துணை இயக்குநராக இருந்து தனது முதல் படமான ‘ராஜா ராணி’ மூலம் பிரபலமானவர் இயக்குநர் அட்லி. அடுத்து நடிகர் விஜய்யுடன் தொடர்ச்சியாக ஹாட்ரிக் வெற்றியை கொடுத்தார். பின்னர் பாலிவுட்டில் ஷாருக்கானுடன் இணைந்து ஜவான் படத்தினை இயக்கினார்.

ஜவான் திரைப்படம் ரூ.1140 கோடி வசூலித்து சாதனைப் படைத்தது. அடுத்து ரூ.3000 கோடி வசூலிக்கும் படத்தினை இயக்க உள்ளதாகவும் நடிகர்கள் விஜய், ஷாருக்கானை வைத்து படமெடுக்க திட்டமிட்டுள்ளதாகவும் நேர்காணலில் கூறியிருந்தார்.

தற்போது, நடிகர் அல்லு அர்ஜுனை வைத்து புதிய படத்தை இயக்கத் திட்டமிட்டுள்ளதாகக் கூறப்படுகிறது. மேலும், ஜவான் வெற்றிக்குப் பின் அட்லி தன் சம்பளத்தை ரூ.60 கோடியாக உயர்த்தியுள்ளதாகவும் தகவல் வெளியாகியுள்ளது.

இந்நிலையில் இயக்குநர் அட்லி கதை விவாத்ததில் இருக்கும் விடியோக்கள் இணையத்தில் வைரலாகியது. விஜய்யின் கடைசி படமான விஜய் 69 படத்தினை அட்லி இயக்குகிறாரா அல்லது தெலுங்கு நடிகர் அல்லு அர்ஜுன் உடனா என்ற எதிர்பார்ப்பு கிளம்பியுள்ளது.

இது குறித்து இன்னும் அதிகாரபூர்வ தகவல் வெளியாகாத நிலையில் இணையத்தில் அட்லியின் 6வது படம் குறித்து பேச்சுகள் டிரெண்டாகிவருகின்றன.