துணிவு படத்தைத் தொடர்ந்து நடிகர் அஜித் குமார், இயக்குநர் மகிழ் திருமேனியுடன் இணைந்துள்ளார். விடாமுயற்சி என பெயரிடப்பட்டுள்ள இப்படத்தின் படப்பிடிப்பு தீவிரமாக நடைபெற்று வருகிறது.

விடாமுயற்சி படத்திற்குப் பின் நடிகர் அஜித், இயக்குநர் ஆதிக் ரவிச்சந்திரன் இயக்கத்தில் மைத்ரி மூவி மேக்கர்ஸ் நிறுவனம் தயாரிக்கும் புதிய படத்தில் இணைந்துள்ளார்.

இதற்கிடையே, உடல்நலம் பாதிக்கப்பட்ட அஜித் தனியார் மருத்துவமனையில் சிகிச்சை பெற்று சமீபத்தில் வீடு திரும்பினார்.

இருசக்கர வாகனத்தில் உலகைச் சுற்றும் திட்டத்தின் ஒருபகுதியாக மீண்டும் தன் பயணத்தைத் துவங்கியுள்ளதாக சமீபத்தில் அவரது மேலாளர் சுரேஷ் சந்திரா தெரிவித்துள்ளார்.

நேற்று சுரேஷ் சந்திரா தனது பக்கத்தில் புதிய விடியோவினை வெளியிட்டுள்ளார். அதில் நடிகர் அஜித் ரசிகர் ஒருவருக்கு எப்படி பைக் ஓட்ட வேண்டுமென கற்றுத் தரும் விடியோ டிரெண்டானது.

இந்த நிலையில், சக பைக்கர்களுக்காக பிரியாணி சமைத்து கொடுக்கும் அஜித்தின் விடியோ வைரலாகி வருகிறது.