வீர தீர சூரன் படத்தின் புதிய போஸ்டர் வெளியாகியுள்ளது.

சித்தா படத்தின் இயக்குநர் சு. அருண்குமார் இயக்கத்தில் நடிகர்கள் விக்ரம், எஸ்.ஜே.சூர்யா, சுராஜ் நடிப்பில் உருவாகிவரும் திரைப்படம் வீர தீர சூரன்.

இரு பாகங்களாக உருவாகும் இந்தப் படத்தின் படப்பிடிப்பு மதுரையில் வேகமாக நடைபெற்று வருகிறது. தங்கலான் கொடுத்த வெற்றியால் விக்ரமின் வீர தீர சூரன் மீதும் எதிர்பார்ப்பு எழுந்துள்ளது.

இதையும் படிக்க: சித்தார்த் - 40 படத்துக்கு இசையமைக்கும் பாம்பே ஜெயஸ்ரீ மகன்!

முன்னதாக, இப்படத்திற்காக 10 நாள்கள் ஒத்திகை பார்க்கப்பட்டு எடுக்கப்பட்ட முக்கியமான காட்சி ஒன்றைக் குறிப்பிட்டு கலைத்தாயின் இளைய மகன் என இயக்குநர் அருண் குமாரை எஸ். ஜே. சூர்யா பாராட்டியிருந்தார்.

இந்த நிலையில், இப்படத்தில் துஷாரா விஜயனும் நடிப்பதால் அவரது பிறந்தநாளுக்கு (அக்.14) வீர தீர சூரன் படக்குழு புதிய போஸ்டரை பகிர்ந்துள்ளது.