குரு சோமசுந்தரம் நடிப்பில் வெளியாகியுள்ள பாட்டல் ராதா கூடுதல் திரைகளில் திரையிடப்படுவதாக அறிவிக்கப்பட்டுள்ளது.

இயக்குநர் தினகரன் சிவலிங்கம் இயக்கத்தில் நடிகர்கள் குரு சோமசுந்தரம், பாரி இளவழகன் (ஜமா), சஞ்சனா நடராஜன் உள்ளிட்டோர் நடித்த திரைப்படம் பாட்டல் ராதா.

மதுப்பழக்கத்தால் சீரழியும் நாயகனின் கதையாக எடுக்கப்பட்டுள்ளது. இப்படம் ஜனவரி 24 ஆம் தேதி வெளியானது.

நல்ல வரவேற்பைத் தொடர்ந்து தமிழகம் முழுவதும் கூடுதல் திரைகளில் வெளியாகியுள்ளதாக படக்குழு அதிகாரப்பூர்வமாக அறிவித்துள்ளது.

இதன் புரமோஷன் நிகழ்ச்சியில் மிஷ்கின் பேசியது பேசுபொருளானது.

இந்தப் படத்துடன் வெளியான குடும்பஸ்தன் படத்துக்கும் நல்ல வரவேற்பு கிடைத்து வருகிறது. நடிகர் மணிகண்டன் பாட்டல் ராதா திரைப்படத்தைப் பார்த்து கண்ணீர் விட்டதாக தெரிவித்ததும் குறிப்பிடத்தக்கது.