ராமராக ரன்பீர் கபூர்... வியப்பில் ஆழ்த்தும் ராமாயணா கிளிம்ஸ்!

ரன்பீர் கபூர், சாய் பல்லவி, யஷ் நடிப்பில் உருவாகும் ராமாயணா திரைப்படத்தின் கிளிம்ஸ் வெளியாகியுள்ளது.

இந்தியளவில் கிளாக்சிக் கதையாகக் கருதப்படும் ராமாயணத்தைத் திரைப்படமாக எடுக்கும் முயற்சியில் பலர் ஈடுபட்டிருக்கின்றனர். அதன் முழுக்கதை மற்றும் கிளைக்கதைகள் திரைப்படங்களாகவும் சின்னத்திரை தொடர்களாகவும் உருவாகியிருக்கிறது.

ஆனால், பான் இந்திய சினிமா வணிகம், விஎஃப்எக்ஸ் வளர்ச்சிக்குப் பின் சரியான படங்கள் உருவாகவில்லை. பிரபாஸ் நடித்த ஆதி புருஷ் கடுமையான தோல்வியைச் சந்தித்திருந்தது.

தற்போது, இயக்குநர் நித்திஷ் திவாரி இயக்கத்தில் நடிகர்கள் ரன்பீர் கபூர், சாய் பல்லவி, யஷ் நடிப்பில் ராமாயணம் உருவாகி வருகிறது. இரண்டு பாகமாக உருவாகும் படத்தின் முதல் பாகத்திற்கான படப்பிடிப்பு நிறைவடைந்துள்ளதாகக் கூறப்படுகிறது.

இதில் ராமனாக ரன்பீர், சீதாவாக சாய் பல்லவி, ராணவனாக யஷும் நடித்து வருகின்றனர். இதன் கிளிம்ஸ் விடியோ வெளியாகி ஆச்சரியப்படுத்திய நிலையில், ராமராக நடித்த ரன்பீரின் அறிமுக விடியோவை இன்று வெளியிட்டுள்ளனர்.

மிகப் பிரம்மாண்டமான விஎஃப்எக்ஸ் வேலைப்பாடுகள், கம்பீரமான ரன்பீர் தோற்றம், பின்னணி இசை என அனைத்தும் வியப்பில் ஆழ்த்தியுள்ளதால் மிகப்பெரிய எதிர்பார்ப்பு ராமாயணாவுக்கு உருவாகியுள்ளது.

இப்படத்திற்கு ஆஸ்கர் வென்ற இசையமைப்பாளர்களான ஹான்ஸ் சிம்மர் மற்றும் ஏ. ஆர். ரஹ்மான் ஆகியோர் இசைமைத்து வருவது குறிப்பிடத்தக்கது.