குஜராத்தில் மாணவிகளுக்கு மாதந்தோறும் இலவச நாப்கின்! மேற்பார்வைக்கு ஆசிரியை நியமனம்!

குஜராத் மாநிலத்தில் 6 முதல் 12 ஆம் வகுப்பு வரை பயிலும் அரசுப் பள்ளி மாணவிகளுக்கு இலவச நாப்கின் வழங்க அம்மாநில அரசு முடிவு செய்துள்ளது.

மாணவிகளின் மாதவிடாய் சுகாதாரத்தை மேம்படுத்தவும், மாணவிகள் பள்ளிக்கு வராமல் இருப்பதைத் தவிர்க்கவும், வருகைப்பதிவை அதிகரிக்கவும் இந்த திட்டத்தை அம்மாநில அரசு கொண்டுவந்துள்ளது.

இதற்காக ஒரு மாணவிக்கு மாதம் ரூ. 30 வீதம் ஆண்டுக்கு ரூ. 360 ஒதுக்கீடு செய்யப்பட்டுள்ளது. மாநிலம் முழுவதும் மாதந்தோறும் 10 லட்சம் மாணவிகள் இதன் மூலம் பயன்பெறவுள்ளனர்.

மாணவிகளுக்கு இலவச நாப்கின்கள் வழங்க குஜராத் மாநில பள்ளிக் கல்வித் துறை ரூ. 46.68 கோடியை ஒதுக்கீடு செய்துள்ளது.