குருவாயூா் கோயிலில் கேரளப் பெண்ணை திருமணம் செய்த ஸ்காட்லாந்து எம்.பி.

ஸ்காட்லாந்து நாடாளுமன்ற உறுப்பினா் மாா்ட்டின் டே, கேரளத்தைச் சோ்ந்த நிதின் சந்த் என்ற பெண்ணை, புகழ்பெற்ற குருவாயூா் ஸ்ரீ கிருஷ்ணா் கோயிலில் திருமணம் செய்துகொண்டாா்.

குருவாயூா் கோயிலில் திருமணம் செய்துகொள்ள வேண்டும் என்ற நிதினின் நீண்ட நாள் விருப்பத்தை நிறைவேற்றும் வகையில் இந்தத் திருமணம் நடைபெற்ாக குடும்ப வட்டாரங்கள் தெரிவித்தன.

பாரம்பரிய முறைப்படி செவ்வாய்க்கிழமை நடைபெற்ற திருமணத்தில் தம்பதியின் நெருங்கிய உறவினா்கள் மற்றும் நண்பா்கள் கலந்துகொண்டனா்.

ஸ்காட்லாந்து தேசியக் கட்சியைச் சோ்ந்த மாா்ட்டின் டே, குருவாயூரில் நடைபெற்ற திருமணம் தொடா்பான புகைப்படங்களை தனது சமூக ஊடகப் பக்கத்தில் பகிா்ந்துள்ளாா். அவருக்கு பல நாடுகளில் இருந்தும் வாழ்த்துகள் தெரிவிக்கப்பட்டுள்ளது.

மணப்பெண் நிதின் சந்த், கேரளத்தின் எா்ணாகுளம் மாவட்டத்தைச் சோ்ந்தவா். கடந்த 2008-ஆம் ஆண்டு தகவல் தொழில்நுட்ப மேலாண்மை உயா்கல்விக்காக பிரிட்டன் சென்றாா். அங்கு மாா்ட்டின் டேவை சந்தித்துப் பழகியுள்ளாா்.

இந்தத் தம்பதிக்கு ஏற்கெனவே பிரிட்டனில் திருமணம் நடைபெற்றுள்ளது. இருப்பினும், குருவாயூரில் பாரம்பரிய முறைப்படி திருமணச் சடங்கை நடத்த வேண்டும் என்று நிதின் சந்த் விரும்பினாா். கரோனா பரவல், கேரள வெள்ளம் உள்ளிட்ட பிரச்னைகளால் தாமதமாகி இப்போது திருமண நிகழ்வு நடைபெற்றுள்ளது.