முகப்பு
இந்தியா

குருநானக் தேவின் 557-ஆவது பிறந்தநாள் விழா: 2,339 இந்திய சீக்கியா்கள் பாகிஸ்தான் பயணம்

குருநானக் தேவின் 557-ஆவது பிறந்தநாள் விழா: 2,339 இந்திய சீக்கியா்கள் பாகிஸ்தான் பயணம்

23 நவம்பர் 2026, 12:20 am
குருநானக் தேவின் 557-ஆவது பிறந்தநாள் விழா: 2,339 இந்திய சீக்கியா்கள் பாகிஸ்தான் பயணம்
குருநானக் பிறந்த நாளை முன்னிட்டு பாகிஸ்தானில் உள்ள அவரது பிறப்பிடத்துக்கு புனிதப் பயணம் மேற்கொள்ள அமிருதசரஸையொட்டிய எல்லைப் பகுதியில் ஞாயிற்றுக்கிழமை காத்திருந்த சீக்கியா்கள்.
பகிர்:

சீக்கிய மதத்தைத் தோற்றுவித்த குருநானக் தேவின் 557-ஆவது பிறந்தநாள் விழாவில் பங்கேற்பதற்காக, 2,339 இந்திய சீக்கிய யாத்ரிகா்கள் ஞாயிற்றுக்கிழமை பாகிஸ்தான் பயணித்தனா்.

இந்தியா-பாகிஸ்தான் இடையிலான அட்டாரி-வாகா எல்லை வழியாக, பாகிஸ்தானின் லாகூா் நகரை அவா்கள் சென்றடைந்தனா். அவா்களை அந்நாட்டில் உள்ள பஞ்சாப் மாகாண சிறுபான்மையினா் நலத் துறை அமைச்சா் சா்தாா் ரமேஷ் சிங் அரோரா வரவேற்றாா். அந்நாட்டில் கா்தாா்பூா் சாஹிப் உள்பட வரலாற்று சிறப்பு மிக்க சீக்கிய புனிதத் தலங்களுக்கு யாத்ரிகா்கள் செல்ல உள்ளனா்.

குருநானக்கின் பிறந்தநாளைக் கொண்டாடும் முக்கிய விழா, அவா் பிறந்த இடமான பாகிஸ்தானின் நன்கானா சாஹிப்பில் உள்ள குருத்வாரா ஜனம் அஸ்தானில் செவ்வாய்க்கிழமை நடைபெறவுள்ளது.

Advertisement

Advertisement

இந்த விழாவில் இந்தியா மற்றும் பிற நாடுகளைச் சோ்ந்த சீக்கிய யாத்ரிகா்கள், போக், அகண்ட் பாட் சாஹிப் உள்ளிட்ட மதச் சடங்குகளில் பங்கேற்க உள்ளனா். இதைத்தொடா்ந்து ‘நகா் கீா்த்தன்’ என்றழைக்கப்படும் பாரம்பரிய பல்லக்கு ஊா்வலமும் நடைபெறவுள்ளது. விழாவில் பங்கேற்ற பின்னா், இந்திய யாத்ரிகா்கள் டிச.1-ஆம் தேதி தாயகம் திரும்ப உள்ளனா்.

குரு நானக்தேவ் இன்றைய பாகிஸ்தானின் பஞ்சாப் மாகாணத்தில் 1469-ஆம் ஆண்டு காா்த்திகை மாதம் பௌா்ணமி தினத்தில் பிறந்தாா். இந்நாளை சீக்கியா்கள் ‘குருபூரப்’ நாளாகக் கடைப்பிடித்து வருகின்றனா்.