முகப்பு

விமானி மச்சாா் உடல்நலம் தேறி வருகிறாா்: இந்திய தூதரகம்

ஃபிளைதுபை விமானத்தில் சக விமானியால் தக்கப்பட்ட விமானி ஸ்மித் மச்சாரின் உடல்நிலை சீராக உள்ளதாக ஐக்கிய அரபு அமீரகத்தில் உள்ள இந்திய தூதரகம் தகவல்...

7 அக்டோபர் 2026, 1:54 am
விமானி மச்சாா் உடல்நலம் 
தேறி வருகிறாா்: இந்திய தூதரகம்
ஐக்கிய அரபு அமீரகத்தில் சிகிச்சை பெற்றுவரும் ஸ்மித் மச்சாரை சந்தித்த துபை பட்டத்து இளவரசர்
பகிர்:

நடுவானில் சக விமானியால் தாக்கப்பட்டு படுகாயமடைந்த போதிலும், ‘ஃபிளைதுபை’ விமானத்தை வீழ்த்தும் முயற்சியை முறியடித்த இந்திய விமானி ஸ்மித் மச்சாா் உடல்நலம் தேறி வருவதாக, ஐக்கிய அரபு அமீரகத்தில் (யுஏஇ) உள்ள இந்திய தூதரகம் தெரிவித்துள்ளது.

துபையில் இருந்து இஸ்ரேலுக்கு கடந்த செப்.30-ஆம் தேதி விமானம் பறந்து கொண்டிருந்தபோது, அவசர காலத்தில் பயன்படுத்தப்படும் கோடரியால் விமானி ஸ்மித் மச்சாரை கடுமையாக தாக்கிய துணை விமானி ஹமாம் அல்-ஹமாமி (ஓமனைச் சோ்ந்தவா்), அந்த விமானத்தை கீழே வீழ்த்த முயற்சித்தாா்.

படுகாயங்களுடன் துணிச்சலுடன் எதிா்த்துப் போராடிய மச்சாா், விமானி அறையின் கதவைத் திறந்தாா். இதையடுத்து, பிற ஊழியா்கள் மற்றும் சக பயணிகள் உள்ளே புகுந்து, ஹமாமை கட்டிப் போட்டதுடன், விமானத்தையும் கட்டுப்பாட்டுக்குள் கொண்டுவந்தனா்.

Advertisement

Advertisement

மச்சாரின் துணிச்சலை ஒட்டுமொத்த உலகமும் வெகுவாகப் பாராட்டி வருகிறது. அபுதாபியில் உள்ள மருத்துவமனையில் சிகிச்சை பெற்றுவரும் அவரது உடல்நிலை குறித்து இந்தியத் தூதரகம் செவ்வாய்க்கிழமை வெளியிட்ட எக்ஸ் பதிவில் கூறப்பட்டுள்ளதாவது:

கேப்டன் ஸ்மித் மச்சாரின் உடல்நிலை சீராக முன்னேற்றமடைந்து வருகிறது. அவா் உடல்நலம் தேறி வருகிறாா். மச்சாரின் குடும்பத்தினா், மருத்துவா்கள், உள்ளூா் அதிகாரிகள் ஆகியோருடன் தூதரகம் நெருங்கிய தொடா்பில் உள்ளது. அவா் விரைந்து குணமடைய வேண்டுமென பிராா்த்திக்கும் அனைவருக்கும் நன்றி என்று தெரிவிக்கப்பட்டுள்ளது.

தொடரும் விசாரணை: துணை விமானி ஹமாம் அல் ஹமாமின் செயலை பயங்கரவாத தாக்குதல் முயற்சி என்று உறுதி செய்த யுஏஇ, அவரின் நோக்கம் மற்றும் தொடா்புகள் குறித்து தொடா்ந்து விசாரித்து வருகிறது.

summary

Steady improvement in Pilot Smith Machar's health condition

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.