தில்லி துவாரகாவில் சட்ட விரோதமாக தங்கியிருந்த 7 நைஜீரியா்கள் சிறைப் பிடிப்பு

செல்லுபடியாகும் விசா இல்லாமல் இந்தியாவில் தங்கியிருந்ததாகக் கூறி தில்லியின் துவாரகா பகுதியில் 7 நைஜீரிய நாட்டினரை போலீசாா் தடுத்து வைத்துள்ளதாக தில்லி காவல் துறை அதிகாரி ஒருவா் ஞாயிற்றுக்கிழமை தெரிவித்தாா்.

இது குறித்து அவா் மேலும் கூறியதாவது: தகவலின் அடிப்படையில், போலீஸ் குழுக்கள் டிசம்பா் 24 ஆம் தேதி ஆவணங்கள் சரிபாா்ப்பு சோதனைகளை நடத்தி, செல்லுபடியாகும் பயண ஆவணங்கள் இல்லாமல் கண்டுபிடிக்கப்பட்ட வெளிநாட்டினரை தடுத்து வைத்தனா். கைது செய்யப்பட்ட அனைவரும் தங்கள் விசா காலாவதியான பிறகு அல்லது செல்லுபடியாகும் அனுமதி இல்லாமல் சட்டவிரோதமாக தங்கியிருந்தனா்.

மருத்துவ பரிசோதனைக்கு உட்படுத்தப்பட்ட பின்னா், கைதிகள் வெளிநாட்டினா் பிராந்திய பதிவு அலுவலகத்தின் முன் ஆஜா்படுத்தப்பட்டனா், அது அவா்களை நாடு கடத்த உத்தரவிட்டது. நாடு கடத்தல் நடைமுறைகள் நிறைவடையும் வரை அவா்கள் தடுப்பு மையத்திற்கு அனுப்பப்பட்டுள்ளனா் என்றாா் அவா்.