ஆஷஸ் டெஸ்ட் கிரிக்கெட் போட்டி 2025-26: மூன்றாவது ஆஷஸ் டெஸ்ட்டில் ஆஸ்திரேலியாவின் தொடக்க வீரர் டிராவிஸ் ஹெட் சதம் அடித்து அசத்தினார்.

தனது பாணியில் பவுண்டரி அடித்து அசத்திய டிராவிஸ் ஹெட் ஒரே திடலில் தொடர்ச்சியாக 4 முறை சதம் அடித்து சாதனை படைத்துள்ளார்.

அடிலெய்டில் கடந்த புதன்கிழமை தொடங்கிய இந்த ஆட்டத்தில் முதலில் பேட் செய்த ஆஸ்திரேலியா, முதல் இன்னிங்ஸில் 371 ரன்களுக்கு ஆட்டமிழந்தது. அடுத்து தனது இன்னிங்ஸை தொடங்கிய இங்கிலாந்து, 2-ஆம் நாளான வியாழக்கிழமை முடிவில் 8 விக்கெட்டுகள் இழப்புக்கு 213 ரன்கள் எடுத்திருந்தது.

கேப்டன் பென் ஸ்டோக்ஸ், பௌலா் ஜோஃப்ரா ஆா்ச்சா் ஆகியோா், இங்கிலாந்தின் இன்னிங்ஸை 3-ஆவது நாளான வெள்ளிக்கிழமை தொடா்ந்தனா். ஆஸ்திரேலிய பௌலா்களுக்கு சவால் அளித்த இந்தக் கூட்டணி, 9-ஆவது விக்கெட்டுக்கு 106 ரன்கள் சோ்த்தது.

இதில் சதத்தை நோக்கி முன்னேறிய ஸ்டோக்ஸ், 8 பவுண்டரிகளுடன் 83 ரன்களுக்கு சாய்க்கப்பட்டாா். அரை சதம் கடந்த ஆா்ச்சரும், 5 பவுண்டரிகள், 1 சிக்ஸருடன் 51 ரன்களுக்கு அடுத்த சில ஓவா்களிலேயே ஆட்டமிழந்தாா்.

இதனால் இங்கிலாந்து இன்னிங்ஸ் 87.2 ஓவா்களில் 286 ரன்களுக்கு முடிவுக்கு வந்தது. ஜோஷ் டங் 7 ரன்களுடன் கடைசி வீரராக நின்றாா். ஆஸ்திரேலிய பௌலா்களில் பேட் கம்மின்ஸ், ஸ்காட் போலண்ட் ஆகியோா் தலா 3 விக்கெட்டுகள் வீழ்த்தினா். நேதன் லயன் 2, மிட்செல் ஸ்டாா்க், கேமரூன் கிரீன் ஆகியோா் தலா 1 விக்கெட் எடுத்தனா்.

இதையடுத்து, முதல் இன்னிங்ஸில் 85 ரன்கள் முன்னிலையுடன் ஆஸ்திரேலியா 2-ஆவது இன்னிங்ஸை தொடங்கியது. அதன் பேட்டா்களில் ஜேக் வெதரால்டு 1, மாா்னஸ் லபுஷேன் 1 பவுண்டரியுடன் 13 ரன்களுக்கு விக்கெட்டை இழந்தனா்.

மறுபுறம் நிலையாக விளையாடி ரன்கள் சோ்த்து வந்த டிராவிஸ் ஹெட்டுடன், உஸ்மான் கவாஜா இணைந்தாா். இவா்கள் ஜோடி 3-ஆவது விக்கெட்டுக்கு 86 ரன்கள் சோ்த்தது. அரை சதத்தை நோக்கி நகா்ந்த கவாஜா 4 பவுண்டரிகளுடன் 40 ரன்களுக்கு சாய்க்கப்பட்டாா்.

தொடா்ந்து வந்த கேமரூன் கிரீன் 1 பவுண்டரியுடன் 7 ரன்களுக்கு வெளியேற, அலெக்ஸ் கேரி ஹெட்டுடன் கூட்டணி அமைத்தாா். ஆஸ்திரேலியாவின் ஸ்கோரை பலப்படுத்திய இந்த பாா்ட்னா்ஷிப்பில், ஹெட் தனது 11-ஆவது டெஸ்ட் சதத்தை பூா்த்தி செய்தாா். கேரி அரை சதம் கடந்தாா்.

இவ்வாறாக வெள்ளிக்கிழமை ஆட்டநேர முடிவில் ஆஸ்திரேலியா 66 ஓவா்களில் 4 விக்கெட்டுகள் இழப்புக்கு 271 ரன்கள் சோ்த்து, 356 ரன்கள் முன்னிலை பெற்றுள்ளது. ஹெட் 142, கேரி 52 ரன்களுடன் ஆட்டமிழக்காமல் உள்ளனா்.

இங்கிலாந்து தரப்பில் ஜோஷ் டங் 2, பிரைடன் காா்ஸ், வில் ஜாக்ஸ் ஆகியோா் தலா 1 விக்கெட் கைப்பற்றினா்.

தொடர்ச்சியாக ஒரே திடலில் சதம் அடித்தவர்கள்

டான் பிராட்மேன் - எம்சிஜி - 1928-31- 4 முறை

டான் பிராட்மேன் - ஹெடிங்லே - 1930- 48 - 4 முறை

மைக்கேல் கிளார்க் - அடிலெய்டு - 2012- 14 - 4 முறை

ஸ்டீவ் ஸ்மித் - எம்சிஜி - 2014-17 - 4 முறை

டிராவிஸ் ஹெட் அடிலெய்டு - 2022-25 - 4 முறை