ரயான் செர்கி, எர்லிங் ஹாலண்ட் தலா 2 கோல்கள்: முதலிடத்தில் மான்செஸ்டர் சிட்டி!

இங்கிலாந்தில் நடைபெறும் பிரிமீயர் லீக் கால்பந்துத் தொடரில் மான்செஸ்டர் சிட்டி அணி 4-1 என அபார வெற்றி பெற்று, புள்ளிப் பட்டியலில் முதலிடத்துக்கு முன்னேறியுள்ளது.

கடந்த சீசனில் மான்செஸ்டர் சிட்டி அணி இரண்டாம் இடம் பிடித்து அசத்தியது. ஆர்செனல் அணி இதனைவிட 7 புள்ளிகள் வித்தியாசத்தில் பிரீமியர் லீக் கோப்பையை வென்றது.

மான்செஸ்டர் சிட்டி அணியும் பேல்ஸ் அணியும் மோதிய போட்டி லண்டனின் செல்ஹர்ஸ்ட் திடலில் நடைபெற்றது. இந்தப் போட்டியில் 4-1 என மான்செஸ்டர் சிட்டி வென்றது.

இந்தப் போட்டியில் ரயான் செர்கி 5 நிமிஷ இடைவெளியில் (54’, 59’) 2 கோல்கள் அடித்து அசத்தினார். நட்சத்திர வீரர் எர்லிங் ஹாலண்ட் 17, 84ஆவது நிமிஷங்களில் இரண்டு கோல்கள் அடித்து அணியினை அபார வெற்றி பெற உதவினார்.

இந்தப் போட்டியில் 72 சதவிகித நேரம் மான்செஸ்டர் சிட்டி அணியே பந்தை தக்கவைத்திருந்தது. இலக்கை நோக்கி 9 முறை அடித்தது. மாறாக, பேலஸ் அணி ஒருமுறை மட்டுமே இலக்கை நோக்கி அடித்து ஒரு கோல் பெற்றது.

இந்த அணியில் இருந்த ரோட்ரி பார்சிலோனா அணிக்குச் சென்றதால் மிட்ஃபீல்ட் டிஃபென்சில் ஒரு வெற்றிடம் உருவாகியுள்ளது.

இந்த வெற்றியின் மூலமாக மான்செஸ்டர் சிட்டி 6 புள்ளிகளுடன் முதலிடத்துக்கு முன்னேறியுள்ளது. நடப்பு சாம்பியன் ஆர்செனல் மூன்றாம் இடத்தில் இருக்கிறது.