கஜா புயலால் ஏரியில் செத்து மிதந்த 183 ஆடுகள்!

கஜா புயலால் பேராவூரணி அருகே மேய்ச்சலுக்காக நிறுத்திவைக்கப்பட்டிருந்த 183 ஆடுகள் ஏரியில் விழுந்து உயிரிழந்தன. 
தஞ்சாவூர் மாவட்டத்தில் கஜா புயலால் வெள்ளிக்கிழமை அதிகாலை தொடங்கி காலை வரை மிக பலத்த காற்று வீசியது. இதனால், மாவட்டத்தில் பெரும் சேதம் ஏற்பட்டது.
பேராவூரணி அருகேயுள்ள பெருமகளுர் ஆர்.கே. நகர் பகுதியைச் சேர்ந்த நாச்சியப்பன், கருப்பையா ஆகியோருக்கு சொந்தமான சுமார் 250 ஆடுகள் ஏரிக்கரையின் மேற்பகுதியில் வயல்வெளியில் மேய்ச்சலுக்காக நிறுத்திவைக்கப்பட்டிருந்தன.
கஜா புயலின் வேகத்தில் கரையின் மேற்பகுதியில் நின்று கொண்டிருந்த ஆடுகள் ஏரி நீருக்குள் விழுந்ததில் 183 ஆடுகள் செத்து மிதந்தன. 
இதேபோல்,  கஜா புயலால் முடச்சிக்காடு பகுதியில் 35-க்கும் மேற்பட்ட ஆடுகள் உயிரிழந்தன.