முதல்வருடன் பொன். ராதாகிருஷ்ணன் சந்திப்பு

முதல்வர் எடப்பாடி கே.பழனிசாமியை சென்னையில் உள்ள அவரது இல்லத்தில் மத்திய அமைச்சர் பொன். ராதாகிருஷ்ணன் வியாழக்கிழமை திடீரென சந்தித்துப் பேசினார். சுமார் 20 நிமிடங்கள் இந்தச் சந்திப்பு நடைபெற்றது.
சாலைத் திட்டங்கள்: சேலம் -சென்னை வரையிலான சாலைத் திட்டம் மாற்றியமைக்கப்பட்டுள்ளது. இந்தத் திட்டம் தொடர்பாகவும், தமிழகத்தில் மத்திய அரசின் சாலைத் திட்டங்கள் குறித்தும் இருவரும் ஆலோசனை நடத்தியதாகத் தெரிகிறது. 
இதனிடையே, சென்னை விமான நிலையத்தில் பொன். ராதாகிருஷ்ணன் செய்தியாளர்களிடம் கூறும்போது, பிரதமர் நரேந்திர மோடி தலைமையில் மீண்டும் ஆட்சி அமையும்' என்று உறுதிபடத் தெரிவித்தார். திமுக கைகாட்டும் நபரே பிரதமராக வருவார்' என அந்தக் கட்சியின் பொருளாளர் துரைமுருகன் தெரிவித்திருந்தார். அதற்கு பதிலளிக்கும் வகையில், மத்திய அமைச்சர் இவ்வாறு பதிலளித்துள்ளார்.