22 டிஎஸ்பி.க்கள் பணியிட மாற்றம்

தமிழகம் முழுவதும் 22 காவல் துணை கண்காணிப்பாளர்கள் (டிஎஸ்பி) பணியிட மாற்றம் செய்யப்பட்டுள்ளனர். இதற்கான உத்தரவை தமிழக காவல் துறை டிஜிபி தே.க. ராஜேந்திரன் பிறப்பித்துள்ளார்.
அதன் விவரம் (இவர்கள் ஏற்கெனவே பணிபுரிந்த இடங்களின் விவரம் அடைப்புக்குறிக்குள்): 
மகேந்திரன், மதுராந்தகம் டிஎஸ்பி (மதுரை மாவட்ட பெண்களுக்கு எதிரான குற்றப் புலனாய்வு பிரிவு), சுப்பையா, சத்தியமங்கலம் துணை கோட்ட டிஎஸ்பி (தருமபுரி மாவட்ட குற்ற ஆவண காப்பகம்), கங்காதரன், திருவள்ளூர் துணை கோட்ட டிஎஸ்பி (திருவள்ளூர் மாவட்ட குற்ற ஆவண காப்பகம்), விஸ்வநாத் ஜெயன், தரமணி சரக உதவி ஆணையர் (சென்னை ஊழல் தடுப்பு மற்றும் கண்காணிப்பு பிரிவு டிஎஸ்பி), சுப்பராயன், பெண்களுக்கு எதிரான குற்றப் புலனாய்வு பிரிவு டிஎஸ்பி (தரமணி சரக உதவி ஆணையர்), பன்னீர்செல்வம், மாதவரம் போக்குவரத்து குற்றப் புலனாய்வு பிரிவுக்கு (பெண்களுக்கு எதிரான குற்றப் புலனாய்வு பிரிவு டிஎஸ்பி) பணியிட மாற்றம் செய்யப்பட்டுள்ளனர். இதேபோன்று, கோவிந்தராஜ், பரங்கிமலை சரக உதவி ஆணையர்(தலைமையிடத்து டிஎஸ்பி), மோகன்தாஸ், மதுரை டவுன் குற்றப்பிரிவு உதவி ஆணையர் (பரங்கிமலை சரக உதவி ஆணையர்), கண்ணன், ராயபுரம் சரக உதவி ஆணையர் (காஞ்சிபுரம் மாவட்ட குற்ற ஆவண காப்பக டிஎஸ்பி) மற்றும் தனவேல், சென்னை மத்திய குற்றப்பிரிவு உதவி ஆணையர் (ராயபுரம் சரக உதவி ஆணையர்) பணியிடத்துக்கு மாற்றப்பட்டுள்ளனர்.
மேலும் இளங்கோவன், நான்குநேரி துணை கோட்ட டிஎஸ்பி (சிவகங்கை மாவட்ட நில மோசடி விசாரணை பிரிவு டிஎஸ்பி), முருகேசன், கீழக்கரை துணை கோட்ட டிஎஸ்பி (சிவகங்கை மாவட்ட குற்ற ஆவண காப்பக டிஎஸ்பி), சந்திரசேகர், திருத்துறைப்பூண்டி துணை கோட்ட டிஎஸ்பி (தஞ்சாவூர் மாவட்ட குற்றப் பிரிவு டிஎஸ்பி) உள்பட 22 பேர் இடமாற்றம் செய்யப்பட்டுள்ளனர்.